الثلاثاء، 25 أغسطس 2009

بستعبط!!!!


عارفين فليم حب البنات بتاع ليلى علوى وحنان ترك وحلا شيحة
هوة فليم ظريف عادى حبوب كتككوت
بس فى جمله فية بتعجبنى اوى اوى
لما اشرف عبد الباقى يقول لليلى علوى :وهوة لما بيستعبط انتى بتعملى اية
تقوم ليلى علوى تقول: بستعبط
ياااااااااااااااااااه لو تعرفوا قد اية بعشق المشهد دة
عشان دة اللى بيحصل معايا بجد
مش مع حبى الميئوس منة بس لا فى اغلب حياتى
فى اى حاجة فى حياتى لما بلاقى اللى قدامى بيسعتبط بستعبط
مع اننا بنكون عارفين اانننا بنستهبل على بعض
وبنعدى الحكاية عادى ولا كان حاجة حصلت
وبتستمر الحياه يعنى مش بتقف على استعابطنا
مش عارفة احنا لية بنستعبط على بعض؟؟
مع انى مابحبش الاستعباط واللف والدوران والالغاز على فكرة
!!!!!!

هناك 4 تعليقات:

يا مراكبي يقول...

ليه الناس بتحب الإستعباط؟ عشان الناس ما بتحبش الصراحة والخطوط المستقيمة .. فيه دايما حرج من المواجهة والصدق .. وأصبح الموضوع ظاهرة .. بينما لو الكل إتعود على الصراحة مع الآخرين .. هو نفسه هيتقبل من الناس أي نقد مقابل

حبات التوت يقول...

طب لية الناس مش بتحب الصراحة والخطوط المستقيمة

لية بنعد بنستهبل على بعض اخر حاجة

-_- يقول...

الاستعباط ده لغة حياة

منــار فايد يقول...

صح جدا جدا
انا شايفاكي لسه جديده في عالم التدويين
دمتي مبدعه
ودامت مواضيعك في بساطه رائعه
ودمتي بخير دائما
الاستعباط حلو لحل وانهاء اي كلام رخم مالوش لازمه
مالوش تفسير عندي غير اللي بيستعبط عليا استعبط عليه
يعني البادي اظلم


عيدك سعيد