الجمعة، 18 ديسمبر 2009

بيقولوا انك قوى وبتجرح بالقوى!!





بما ان النهاردة اول يوم فى السنة الجديدة

كل سنة وانتوا كويسين وطيبين وفى احسن حال يارب



مش عوزة ابدء سنتى بوشى المكشر والكائبة اللى انا فيها من اسبوع دى

عوزة اخرج نفسى من المود دة

بجد انا تعبت مش هعرف اوصفللكم الاسبوع اللى فات علية دة فات ازاى عمرى ماحسيت احساس زية عارفين لما تحسوا قلبكوا بيتقطع من جوة
ماكتنش قادرة اتكلم كنت مصدومة مصدومة اية مصعوقة بجد عمرى ماحسيت الاحساس دة كنت حاسة نار فى قلبى حاجة طابقة على صدرى
الحمد الله دلوقتى هديت شوية

بس بجد انا زعلانة زعلانة اوى صعبان علية نفسى

كنت عوزة اعد مع نفسى ماكلمش حد ولا حتى اكلم نفسى اعد ساكتة كدة

يعنى هشكى لصحبتى تعد تقولى شوية كلام قال هيطبيطب على قلبى وكام نصيحة يااااااااااااه الكلام سهل اوى اوى بس تنفيذة ياااااه

مافيش اسهل من الكلام ولا النصايح

انا مش عوزة نصايح من حد انا عوزة حد يطبيطب علية بس حد يطبطب على قلبى

ان شاء الله هبقى كطويسة والايام هتعدى بس مش عارفة هعرف انسى ولا لا
مش عارفة هعرف اتاقلم مع الوضع الغريب دة

مش عارفة هلاقى طعم لحياتى بعد كدة حاسة حياتى بقت من غير لون بقت ابيض واسود من غيرك

صعبان علية نفسى اوى


لازم انسى صح لازم بس ازاى مش عارفة ومش عارفة لو عرفت هقدر ولا لا

بس بما انك قدرت اكيد انا هتعز علية نفسى وانسى الله يسامحك بجد

بيقولوا انك قوى وبتجرح بالقوى

صحيح والله بتجرح بالقوى اوى اوى


يااااااااااااااه مش عارفة السنة اللى راحت اقول عنها اية حلوة ولا وحشة

ههههههههههههههههههههههههه يااااااااااااااه ياربى

على العموم السنة بدئت وهتبدء معاها محاول
ة النسيان


انا عوزة اخرج بجد من المود اللى انا فية دة لانى مش بجب الكائبة

انا بعد اضحك على نفسى اهو شر البلية مايضحك

يبكى ويضحك لاحزنا ولا فرحا

__________________

بقى هوة الحب كدة
بقى هية الدنيا كدة

ياخسارة فرحتى ياخسارة ضحكتى

يامين ياخدنى تانى يرجعنى دنيتى

____

بيقولوا انك قوى وبتجرح بالقوى

الخميس، 10 ديسمبر 2009

اعمل له اية يعنى؟؟



اعمل له ايه


اعمل له ايه يعني لو جاي يودعني


معقول اترجي فيه ولا اتحايل عليه



وانا هتعب نفسي ليه لو كان خلاص باعني



خليه يروح يلا زي إللي راحوة زمان



برده الحياه ماشيه ما تقفشي علي انسان



صحيح سنين بهواك و لا يوم فرحت معاه



علي كده هنساه و ديه فيها ايه يعني

________


الاغنية دى سمعتها الساعة اتنين ونص بليل امبارح وانا بذاكر كنت اول مرة اسمعها
اغنية لمدحت صالح

يعنى لاتعليق

الخميس، 3 ديسمبر 2009

طز فيك ياحبيبى









حبيب قلبى
ياحياتى ياعمرى ياحبيبة قلبى انتة
ظز فيك
ومش طز واحدة بس لا دة مليون طز فيك
طز فيك وفى حبك
اوعى تكون زعلت ياحبيبى انا بجد بقولك طز من جوة قلبى
مش بقولها مرة واحدة بس بقولهاللك مليون مرة
وبصوت عالى بقوللك ياحبيبى طز فيك مرة تانية وتالتة ورابعة الى اخر الزمان بقوللك طز
مش طز فيك لوحدك وانا كمان طز فية
طز فية وفى احلامى وحبى ليك طز فية
طز فية لانى كنت هبلة وعبيطة لما حبيتك

قال حب قال طز فيك وفية وفى الحب نفسة كمان
عارف ياحبيبى ياللى مش حبيبى واللى عمرك


ماكنت حبيبى عارف انا عوزة اعمل اية دلوقتى
نفسى شدك من شعرك واضربك قلمين على

وشك قلمين بس لا مليووون قلم


نفسى اطلع فوق سطح بتنا واقول باعلى حسى طز فيك ياحبيبى
ياه بجد حسيت براحة لما قولتها
بس برضة لسة زعلانة

اعمل اية فيك ياحبيبى بعد ماشتمتك وضربتك

يمكن اشفى غليلي لما اقتللك

اشرب من دمك

اموتك ادبحك واقطعك حتت وارميك لاكلاب السكك

بس حرام هتصعب علية

كدة لما اقتللك وادبحك واموتك واقطعك حتت وارميك لاكلاب السكك
كدة مش مش هشوفك ابدا
وانا مش هقدر مش اشوفك مش هقدر مش اشوف عينيك اصللك برغم انى بكرهك ونفسى اشدلك شعرك واموتك
بتوحشنى!!


مش عارفة مش اخترعوا دوا ينسوا الواحد لية
اعمل اية ياحبيبى فيك
شوف من الاخر ياحبيبى انتة طز فيك وفية
طز فية وفى الهبل الى انا بكتبة دة
اية الللى انا بكتبة دة
بس برضة مليون الف طز فيك ياحيبيبى يللى مش حبيبى
اعذورنى ياجامعة لما يرجعلى عقلى بالكامل هرجع اكتبلكوا



انا راح منى كمان حاجه كبيره
اكبر من انى اجيب لها سيره
قلبى بيزغزغ روحه بروحه
علشان يمسح منه التكشيره
ادعوله ينسى بقى ويضحك

الجمعة، 27 نوفمبر 2009

كالعادة




كالعادة رحت وسبتنى رحت تنام وتملى عيونك نوم وانا اقعد سهرانة لوحدى اعقد سهرانة مع قمرى لوحدى من غيرك وازاى يبقى للسهر طعم من غيرك عارفة هتقرى الكلام وتضحك علية دة لو قريتة اصلا فى يوم من الايام ومش عارفة لية كتبتبتة ولية مستمرة انى اكتبهوللك مش عارفة على العموم تصبح على خير وتلاقى الخير يارب فى كل ايامك مش عوزة اختم كلامى عوزة اعقد اكتب كدة اصل انا النهاردة مش عارفة مالى زى ماقولتللك خايفة مش عارفة من اية اااااااااااااااه

حاسة قلبى مئبوض مش عارفة من اية

تعرف اكتر حاجة نفسى اقولها ليك باعلى صوت هية اية بتوحشنى بتوحشنى اوى اوى

بس بخجل منك ....لما بتكلمنى ببقى عوزة افضل ساكتة مش بعرف ارد عليك يجى مليون الف كلمة وكلمة بيدورا فى عقلى وقلبى بس مش بعرف اترجمهم واقولهم ليك

بس انتة .....انتة وبس اللى نفسى اقوله بتوحشنى ماكنتش متصورة انك هتوحشنى كدة كنت ديما بستغرب على كلمات الاغانى لما بيقولوا بتحوشنى وانتة قدام عنية ودلوقتى عرفت معناها ههههه
تعاله وبص كدة لحياتى هتلاقى كل حاجة بتلف وبتدور عليك
انتة الاول و مش عارفة النهاية هتكون اية
ياترى النهاية هتكون اية

عارفة انك مش هتقرى الكلام دة ومش عارفة لية برضة مستمرة انى اكتب يمكن عشان اقول انك واحشنى الكلمة اللى نفسى اقولها ليك ومكسوفة نفسى اعرف الناس بتقول علية جرئية ازاى وانا قدامك زى الكتكوت الملبلول هههههه ااااااااااااه يارب

بكتبللك الكلام دة وانا بسمع فيروز اغنية انا وسهرانة

الخميس، 26 نوفمبر 2009

نفس الحكاية



نفس الحكاية نفس الرواية بتعيد وتزيد فيها

نفس الدايرة دايرة فيها
نفس الحيرة والتوهان
بس فى حاجة واحدة فرقت بس
انها فقدت الامل


_______________________

وبعد الحكاية وبعد الرواية
لقت نفسها وحيدة ....وحيدة

وحيدة من غير حكاية ولا رواية
حكايتها الوحيدة اصبحت ليس لها وجود

اصبحت حكاية منسية فى عالم كان.


________________________________


------------------------

خايفة تبقى حكايتى حكاية منسية خايفة اقول على حكايتى كان ياماكان----
--------------------------------------------
وانتطرت الباب تاالباب يدق والقلب يدق ومادق الباب انا سهرانة وطفيت الضوء وطلع الضوء اناو سهرانة
:
))

الجمعة، 30 أكتوبر 2009

مابحبكش بكرهك




الشتا قرب يجى


على وشك الوصول


مابحبوش خااااالص


فصل كئيب مش بحبة خالص



الوقت فية بيطول بشكل فظيع الساعة خامسة والمغرب بيدن


الدنيا بتبقى سقعة والناس قاعدة فى بيوتها وبتنام بدرى


والشوارع من بعد المغرب هس هس


ووقت مذكرة وامتحنات


ورجلى بتسقع ومش بتتدفا مهما لبست شربات


وانا مابحبش رجلى لما تسقع بدايق



ومفيش فاكهة غير البرتقال واليوسفى


وايدى بتسقع اه



بجد فصل كئيب


الحاجة الوحيدج اللى بحبها فية الهدوم الشتوى بحب الهدوم الشتوى اوى بتعجبنى


وبما اننا فى الخريف والشتا قرب يجى فقلت اقول شعورى اتجاه الشتا يمكن يسمع رايى ومايجيش :))

بصراحة ياواد ياشتا انتة انا بكرهك مابحبكش كدة لله فى الله
ماتمشى باه وماتجيش تانى

الدراسة بدائت ياجدعان ومبقتش ادخل على النت غير يوم الجمعة بس


ربنا يستر ادعولى بجد الله يخليكم السنة دى شكلها صعبة تقيلة عوزة دح


والشتا جى والواحد بيبقى عاوز ينام طول الوقت يبقى هدح امتى



النهاردة الصبح صاحية بدندن اغنية شعورى نحيتك شعور اكيد اكيد شعور بحبتك مليان مش عارفة اية .......




الاثنين، 12 أكتوبر 2009

ماوحشتكش





يوم واتنين اهو مروا علينا ماتقبلوش ياحبيبى عنينا ...ماوحشتكش؟


كل ما يعدى كام يوم ماشفوكش فية او ماسمعش صوتك فية افتكر ديما اغنية لطيفة ماوحشتكش

بجد بجد بجد بتوحشنى بتوحشنى اوى اوى


بتوحشنى نظراتنا بيوحشنى انى اسمع اغنية على ذوقك

مابحبش اعقد لوحدى اعقد افتكر كلامك واضحك زى العبيطة اوزع ابتسمات بلاهاء على الناس




اعذرونى هتلاقوا كلامى داخل فى بعض مافيش حاجة مرتباها فى دماغى عوزة اكتبها بس جى على بالى افضفض اتكلم
اكتب

من اول مابدئت الدراسة وبدء مشوارى اليومى للذهاب للكل للكلية اللى بتبعد عن بيتى ساعتين رايح وساعتين جاى

يعنى بقضى اكتر وقت فى المواصلات رايحة جاية نازله

بفضل انى احط السمعات فى ودنى واشغل الاغانى وابقى مع نفسىوافتح شباك المكروباص واسند راسى علية

واعقد افكر فى اى حاجة واعقد افتكر واو احلم احلام يقظة اتخيل مواقف افتكر مواقف واعد ابتسم مع نفسى

وشوية ازهق اروح مطلعة السبحة اسبح شوية او اطلع قران اقرى شوية

وشوية تانية ازهق اطلع كتاب اقراه وغالبا مايكون كتاب قصص قصيرة

يعنى اللى هيكون واخد باله منى وانا فى المواصلات هيقول عنى مجنونة مرة اغانى ومرة تسبح


بس تصدق بايه وحشتنى بجد وحشتنى

ههههههههههههههههههههههههههههه

لسة بنقول ياهادى فى الكلية الا وادونا اجازة اسبوع

فجاءة واحنا قاعدين فى الحاضر دخل علينا العميد وقال ياجماعة فى واحد زميللك تعب وتقريبا عندوا اعراض انفلونزا الخنازير

فا دفعة 3 كهربا كنترول اجازة وتعالوا يوم التلاتاء الجاى

انا اعقدت اضحك هيييييييييييييييية اجازة مش تفهمومى فرحت لية بجد ان شاله زملنا دة مش يحصلوا حاجة

بس اخدت اجازة وعقدت فى البيت مش لاقية حاجة اعملها واحنا كدة اتخرنا شهر فى الدراسة

ربنا يستر والسنة دى تعدى على خير يعنى كدة كل شوية هيادونا اسبوع اجازة والسنة هتروح علينا ياحلاوة

طب لما الشتا يجى كلنا بيجلنا انفلونزا هنعمل اية؟؟؟

مش عارفة ربنا يعدى السنة دى على خير والله ربنا يستر
ماكانوا ياجلوا السنة دى ويخلصونا باه


سيبك انتة من كل دة والله وحشتنى

شفت امبارح فليم زى النهاردة بجد فليم اكثر من رائع لدرجة انى خليت ماما تشوفة وشوفتة تانى مرة معاها

بجد جميل اوى

بجد مش لاقية حاجة اعملها انا زهقت من كتر الاجازة

انا امبارح اخدت محاضرة الكترونيات مش فاكرة حاجة ماكنتش فاكرة الدكتور بيقول اية اه الكلام دة سمعتة قبل كدة بس نسياه

انا ديما كدة ديما انسى الحاجات اللى اخدتها السنة اللى فاتت عندى فقدان ذاكرة صحابى بيقوللى احنا برضة مش بنفتكر مش بصدقهم لانى بجد مش ببقى فاكرة
معنى كدة انى لازم اطلع كام حاجة اراجعها

اففففففففففففف ربنا يستر



بس سيبك انتة وحشتنى وحشتنى بجد

يلا ادينى ارتحت شوية يلا الواحد لما بيكتب بيسترح بجد عارفة انو كلام ملوش لزمة بس عوزة اتكلم

السبت، 3 أكتوبر 2009

تانى تانى ..رجعنا للكلية






تانى تانى تانى رجعنا للكلية
اففففففففففففففففففففف
ماغبحبش الدراسة ابدا بجد حاجة قرف
هرجع تانى للمذكرة والصحيان بدرى وحق دم على الدرجات اللى بتضيع فى الهوا
افففففففففففففففف
مش متحمسة انا ديما كدة مش بحب بداية الدراسة
ياريت كل ايام الدراسة زى اول اسبوع هههههههههههه يااااااه تصورا
يعنى مش بناخد حاجة ولو اخدنا خفيف خفيف وبنروح نسلم على صحابنا ونغير جو
يلا ان شاء الله تكون سنة دراسية سعيدة ونجيب فيهال تقدير ياااااااااااااارب
ياااااااااااااااااارب

اية رايكم فى كمية الاحباط اللى انا ادتهللكم دى حلوة صح

الاثنين، 28 سبتمبر 2009

احلفك بالله يانفسى

لكى يانفسى ان تفزعى ....
اهذا صوت الحب يناديكى ام صوت العذاب يعزيكى!!1
ماذا ....... ماذا تقولين؟!؟

اتقولين .. صوت الحب اكيد

لا والله انكى لاتخدعين الا نفسك

انة صوت الذكريات تمنيكى برؤياه


رؤياه .....آه آه من رؤياه ... رؤياه كالسهم

القادم اليكى لا فرار منة

قادم نحو قلبك يصيبة فيجعلة مجروحا وغريقا بدمائه



نعم انه كالسهم لا يصيب الا قلبك

قلبك الذى سوف يستمر ينزف حتى النسيان او الموت

نعم النسيان او الموت فلا فرق بينهم الان

اتستطعين يانفسى النسيان
!!!!

اياتى اليوم يانفسى الذى افتح فية عيناى ولا اتذكره!!؟

اياتى اليوم الذى اسمع فية اسمه ولا يهتز قلبى !!؟

اياتى اليوم الذى اراه فية يانفسى ولا اتاثر !!؟؟

ايعيش قلبى فى الدنيا يوما بدونه ؟؟؟؟

ااكون فى سعادة مع غيرة

جاوبنى يانفسى

لماذا لا تجاوبنى

يانفسى احلفك بالله ان تنسية

نعم امحية من حياتى

فمثله لايستحق التذكر

اتظن انت ياجارح قلبى ان قلبى قد مات من كثرة مانزف من جرحك

لا لا واحلف بالذى خلقك وخلق قلبى ان قلبى لم يمت من بعدك

بل سيعيش لقلب اخر يقدره ويعرف قيمته

اترانى وفى عينيك نظرة عطف وشفقة لا بل

يجب ان تكون هذة النظرة لغيرى

يجب ان تكون هذة النظرة للك انت

انت الذى لا يعرف الحب قط بل ماتعرفه هو تعذيب قلوب الاخرين0






دى تدوينة قديمة بقالها اربع شهور كدة
الخاطرة دى انا وصديقتى حبيبة قلبى ننوش كتباناها مع بعض فى سكش الرياضة
كنا قرفانين ومش فاهمين المعيدة بتقول قلنا يلا نشخبط شخبوطة كدة

alot like love


alot like love الفليم دة شوفتة اول امبارح على قناه mbc max قناتى المفضله اللى بعشق افلامها


افلاما كلها من النوع اللى بحبة الرومانسى الكوميدى افلام النهايات السعيدة او النهايات المفتوحة


بحب انا الافلام دى اوى ديما انا وماما نعد مع بعض نتفرق على اى فليم عليها يروح جى ميدو اخويا يتريق علينا


ويقولى يالهوى على اقلام البيض اللى انتى بتحبيها دى


بغض نظره ميدو عن الافلام لانو ولد اكيد مش هيفهم الرومانسيات دى


نرجع تانى للفليم دة




الفليم بيحكى عن اتنين شافوا بعض بالصدفة واتعرفوا على بعض واعجبوا ببعض شوية مش كتير


بعدين الولد كان بيشتغل فى لوس انجلوس بس هما اصلا من نيويورك والبت كمان من نيوريوك


بس بعد ستة اشهر اتقابلوا تانى واتعرفوا على بعض اكتر وقالت له انها بتحب واحد ومش عارفة تنساه المهم انو ساعادها عشان تخلى الواد اللى بتحبة يغير عليها بس محاولتهم باقت باالفشل لان الولد اللى كانت بتحبه كان بيحب واحدة تانية وهيتجوزا


يعنى قعدت هية الولد فى الوقت ده يتعرفوا على بعض

بعدين سابوا بعض تانى لان الولد مش عاوز سيب شغله ودة مستقبله وهية تقبلت دة لانهم لسة كانوا فى البداية وسابوا بعض


يرجعوا يتقابلوا تانى بعد تلات سنين طبعا فى كل الوقت دة بيعيشوا حياتهم بيقابلوا ناس وبيحبوا ناس


بعدين يسبوا بعض تانى بعدين يرجعوا يتقابلوا تانى بعد تلات سنين كان هوة نجح فى شغله شوية بس برضة شغله فى لوس امجلوس يعنى فى مدينة تانية


المهم هية انخطبت وفسخت خطوبتها وهوة ان حب واحدة وفشلت علاقتهم


يقالبوا بعض ويسيبوا بعض تانى


يتقابلوا تانى بعد ستة اشهر كانت هية اتخطبت وهوة كان خسر شغلة


المهم يحاول يرجع لها تقوله انا اتخطبت يقولهال خلاص هوة جة فى الوقت المتاخر


يمشى ويسبها المهم بعد شهر كدة هية تعد مع صحبتها وتقولها انها بتحبة م بتحب خطبيها المهم تسيب خطبها


وتعد تدور فين بيته المهم توصله تلاقى عندهم فرح تفتكر انو فرحه بعدين يطلع فرح اختة




المهم خلاص يخلص الفليم بقبله رومانسية



هييييييييييييييييييييييييه نهاية سعيدة



اللى عجبنى فى الفليم انهم مش حبوا بعض وبعديها بشهر اتجوزا دول اعقدوا سبع سنين متفرقين عايشين حايتهم بيقابلوا ناس


بس كل مايرجعوا يشفوا بعض يتعلقوا ببعض وتتلخبط حياتهم تانى


يعنى فرقت سنين يعنى كل شوية الاقى يكتبوا بعد ثلاث سنوات بعد ستة اشهر


يعنى فى ايام وسنين مش بيشفوا بعض فيها بس كل واحد شايل التانى فى قلبة


اااااااااااااااااااااه بحب انا الرومنسيات دى


عجبنى اوى صحيح قسمة ونصيب زى مابنقول


بس عجبنى فى كدة ماهما كانت الظروف ينتصر الحب دة طبعا بس فى الافلام


طبعا فى الواقع والله لو لبسوا هندى ورقصوا شيكى بيكى هياخدوا علقة سخنة ويحرموا يحبوا بعض بعد كدة


بس خلاص


كنتوا عوزة ازريكم الفرق بين الواقع والافلام


شفتوا


ياريت تشفوا الفليم دة لانو بجد حلو اوى





الجمعة، 25 سبتمبر 2009

انا وبلكونتى










كعادتى عندما يتملكنى الملل من غرفتى اذهب الى بلكونتى


اقف فى البلكونة انظر الى شوارع حارتنا كم هى خاوية ...خالية


اتنهد تنهيدة طويله واسند يدى الى سور البلكونة وانظر الى الشوارع التى يغرينى منظرها وهى خاليه


فطبيعى ان تكون خاليه فالساعة الان الثانية صباحا


ولكن المنظر يغيرنى الليل المثير مع نسمات الليل اللاسعة


فااتخيل نفسى امشى وافرد كلتا يدى فى الهواء وخصلات شعرى تطاير من مداعبة نسمات الهواء لها


اااااااااااااااااااااااااااااااااااه كم اتمنى ان اجول هذة الشووارع ليلا ....اتجول بها بحريتى لايرانى احدا الا الذى خلقنى

يغطينى سواد الليل وينور هذا القمر طريقى


نعم اتخيل واتمنى فقط لاغير

تخيل انت ان ترى فتاه تتجول فى الشوارع ليلا وحيدة مالذى سيدور فى راسك حينما تراها؟؟!!


فاانا احسد الرجال فى شى واحد فقط وهو انهم يتمتعون بحرية التجوال فى اى وقت فلا شى يمنعهم فليس لديهم مايخافون عليه فهم كافلون بحمايه انفسهم


اتنهد تنهيدة اخرى ولكنها اعمق من التنهيدة الاولى وانظر الى السماء...وادعوا الله فى سرى بمليون دعاء وامنية


اقرر ان استمع الى اغنية فى هذا الوقت الساحر اختار اغنية انغام فى يوم وليله وتاخذنى معها بصوتها الشجى الى عالم اخر كم احب هذة الاغنية وكم استمع اليها كثيرا



لااجد شى محدد افكر به ففى راسى مليون فكره وفكره وفى قلبى الاف الامانى


اتعب من كتر وقوفى او بالاحرى من كثرة افكارى التى لااستطيع ان احدد شى منها فكرة واحدة كى افكر بها منفردة


ومع نهاية الاغنية..... اقرر ان اعود الى غرفتى....فليس لى غيرها فى النهاية




الأربعاء، 23 سبتمبر 2009

تللك اللحظةّ!!





جميلة تللك المشاعر ....تللك الاحاسيس
تللك اللحظة التى ترى بها عينى عينك
يالها من لحظة
آه لو ان تللك اللحظة تطول
آه لو ان الزمن يقف عند هذة اللحظة
تللك اللحظة التى تلتقى عينيك بعينى
وآه لو انك تشعر معى بهذة الكهرباء التى تتحرك وتدور بينى وبينك عندما
تلتقى عينيك بعينى



فآه ياحبيى من تللك اللحظه
نعم يالها من لحظة
لااعرف ماذا يحدث معى فى هذة اللحظة ............لااعرف
كاانى فى هذة اللحظة التى التقت عينى بعينيك حبيبى ذهبت الى عالم اخر عالم لايوجد به احد سوانا
عالم ليس كمثله عالم وكاانى اسمع فية صوت فيروز الملاكى تغنى بحبك مابعرف كيف
صحيح فانا احبك ياحبيى لا اعرف كيف
فآه آه ياحبيبى لو تعلم ياحبيبى كم احبك
لا اعتقد انك فى يوم من الايام ستعلم مقدار حبى اليك لانه مقدار لم يعرفة بشر
فاليتنى فى تللك اللحظة استطعت ان اصرخ واملى هذا الكون آهات
فآه آه آه آه آه ياحبيبى من تللك اللحظة
.

الاثنين، 21 سبتمبر 2009

ياصباح اللخير يلى معانا

ياصباح الخير يللى معانا
يسعد صباحكم ياحلوين
النهاردة تانى يوم العيد صحيت بدرى الساعة سبعة وربع صحيت كدة لوحدى من غير ماحد يصحينى والحمد الله صحيت مبسوطة
ومزاجى رايق ومروق ومزاجى عال العال...هوة مافيش سبب محدد بس اهو ادينى مبسوطة الله يديمها نعمة
ومع انى نمت امبارح متاخر الساعة تلاتة فغريبة انى اصحى بدرى صاحية كدة فايقة وشبعانة نوووووووووم
والله العيد لية فرحة وبهجة غصبن عنا هنحسها حتى لو بقينا مش بنفرح بالعيد زى زمان واحنا صغيرين
امبارح كان اول يوم للعيد ,,,كعادة كل عيد صحيت انا والعائلة الكريمة الفجرية صحينا دة اية احنا اصلا مانمناش مش كان جيلنا نوم
انا وبابا وميدو اخويا فضلنا صاحين ماما اللى نامتلها ساعة كدة
بعدين رحنا صلينا العيد...اصلا العيد هوة الصلاة وقت الصبح دة بس الى بحسة العيد بنروح نصلى فى الساحة وتقريبا البلد كلها بتبقى هناك وبتقابل كل الناس اللى تعرفهم واللى ماتعرفخهمش وتعد تبوس وتبارك وناخدها مش ونعدى على كل اقرايبنا واهم حاجة طبعا بنلم العديات صحيح كبرنا بس لسة بيدونا والله بتكسف لما باخد العيدية بس بفرح اوى بيها
بحس فى فرح فى الجو كدة وبحب اتفرج على العيال الصغيرو وهما لبسين هدوم جديدة ومعاهم لعبهم الجديدة وقاعدين يلعبوا وبحب اشوف البنات الصغيرين وهية لابسة طقم العيد ولازم تكون معاها شنطة بيبقى شكلهم حلو اوى
ياااااااااااااااااااه يارب ديما تحلى ايامنا وتبسطنا يارب
طولت عليكم بس يلا ماهو عيد بقة
تعالوا دقوا الكعك والبسكويت بتاعنات ماما عمالة شوية كعك انما اية يستهالوا بقكم
يلا مواااااااااااااااااااااااااااااااااااااااااااااااااه

الخميس، 17 سبتمبر 2009

باه عندى عشرين سنة


يوم 2/8/2009 تميت عشرين سنة باه عندى عشرين سنة ياناس
باه عندى عشرين سنة عشرين ربيعا زى مابيقولوا
طول عمرى من وانا صغيرة كنت بقول امتى هكبر باه ويبقى عندى عشرين سنة
واقول هعمل اية واية اللى هيحصل واحلام وتخيلات وعايشة بعالم الاوهام
مش عارفة بس فضل عندى احساس انوا انا لما هتم العشرين سنة هتحصل حاجة غريبة
هتحصل حاجة جديدة ...غريبة ....عجيبة
اهو تحصل اى حاجة والسلام
يعنى السما يبقى لونها بتنجانى اى لون اهو تتغير
اطير مثلا فى الهوا تطلعللى جناحات
مثلا وانا واقفة فى البلكونة الاقى نجوم السما بتقع
اى حاجة تحصل ....اى حاجة تحصل
جة يوم 2/ 8 وتميت العشرين وماحصلش حاجة
قلت يمكن اليوم اللى بعدة برضة ماحصلش حاجة ......لحد اخر الشهر خلص شهر تمانية خلص شهر اغسطس وماحلصلش حاجة
مش عارفة لية كان عندى اقتناع شديد انو لازم يحصل حاجة
مش عارفة انا كنت متاكدة انو لازم يحصل حاجة
ادينى زى ماانا ماحصلش حاجة ولا اى حاجة فى اى حاجة
كنت فاكرة انو لما يبقى عندى عشرين سنة يعنى حاجة مميزة على الاقل بس مش حسيت بحاجة
يعنى سنة زى اى سنة يعنى مش حسيتها مميزة يعنى عادى
بس لسة برضة مؤمنة انو هتحصل حاجة ...يمكن الميزة انها عشرين سنة والله كبرت بجد من كام سنة كنت فى ابتدائى دلوقتى فجاءة واحدة بقيت فى تالتة جامعة
اكيد الميزةانها عشرين سنة ....بيبقى عندنا عشرين سنة مرة واحدة بس فى حياتنا
لسة مؤمنة ...ولسة عندى امل ...لية لا ممكن اطلع البلكونة الاقى الدنيا لونها باه موف

الاثنين، 14 سبتمبر 2009

الخميس، 3 سبتمبر 2009

كنت محتاجة


كنت محتاجة ارتاح مش اكتر
مع انى كنت عارفة ومتاكدة انى لما اكللمك مش هوصل لحل
لانه مافيش حل اصلا
غير ان احنا نسبيها على الله
خليها على الله
بس انا كنت محتاجاللك
كنت محتاجة اففضللك
كنت محتاجه اتكلم عننا
كنت محتاجة اشكيك لنفسك
كنت محتاجة اقول كلمتين كانو فى قلبى ليك
كنت محتاجة ارتمى فى حضنك .....يدفينى...يريحنى....يهدينى
كنت محتاجة بس اتنهد واقول آآآآآآآآآآآآآه بعد مااخلص كلامى معاك
اتنهد واقول آآآآآآآآآآآآآآآآه
اتنهد واقول آآآآآآآآآآآآآه بكل مافيها من احاسيس مختلضه ببعضها احاسيس مش هعرف اشرحا
كنت محتاجة بس انى ارتمى فى حضنك ...يدفينى .....يريحنى ....يهدينى

الثلاثاء، 25 أغسطس 2009

بستعبط!!!!


عارفين فليم حب البنات بتاع ليلى علوى وحنان ترك وحلا شيحة
هوة فليم ظريف عادى حبوب كتككوت
بس فى جمله فية بتعجبنى اوى اوى
لما اشرف عبد الباقى يقول لليلى علوى :وهوة لما بيستعبط انتى بتعملى اية
تقوم ليلى علوى تقول: بستعبط
ياااااااااااااااااااه لو تعرفوا قد اية بعشق المشهد دة
عشان دة اللى بيحصل معايا بجد
مش مع حبى الميئوس منة بس لا فى اغلب حياتى
فى اى حاجة فى حياتى لما بلاقى اللى قدامى بيسعتبط بستعبط
مع اننا بنكون عارفين اانننا بنستهبل على بعض
وبنعدى الحكاية عادى ولا كان حاجة حصلت
وبتستمر الحياه يعنى مش بتقف على استعابطنا
مش عارفة احنا لية بنستعبط على بعض؟؟
مع انى مابحبش الاستعباط واللف والدوران والالغاز على فكرة
!!!!!!

السبت، 22 أغسطس 2009

احلام فقط لاغير




عندما اهرب من نفسى ومن روتين حياتى المتكرر

لااجد مكانا اخر التجا الية سوى احلامى

احلامى

هى المكان الوحيد الذى استطيع فية التنفس بحرية

هى المكان الوحيد الذى استطيع الطيران فية الى ابعد الحدود

ولا يستطيع احد ان يوقفنى مهما كان


احلم واحلم واحلم

كم هى جميلة هذة الاحلام......وكم هى بعيدة


بعيدة كهذة النجمة التى اراها من نافذتى



انظر اليها ولا اكتفى بالنظر اليها

فكم حلمت ان املكها

ان تكون ملكى وحدى

كم حلمت ان يهدينى حبيبى المجهول هذة النجمة

ان يسميها بااسمى

ان يقول لى هذة النجمة لكى وحدكى

اعرف انة ليس حلم مستحيل.....ولكنة بعيد

اراه حلما بعيدا عنى

احيانا اشعر انك ياحبيبى ابعد من نجمتى

احيانا اشعر اننى عندما انظر من نافذتى الى نجمتى لاانظر الى نجمتى ولكنى احاول ان ابحث عنك بين مئات ومئات هذة النجمات

كم هى بعيدة عنى

واحيانا اكره احلامى... اسئم منها... امل منها

لانى اراها سرابا بعيدا عنى ...لايمكن ان اصل الية

لقد ضقت ذرعا بااحلامى التى لاتنتهى

وعندما استيقظ من احلامى وارى ان كل شى كما كان

عندما اكتشف انك ونجمتى غير موجودان الا فى احلامى فقط

اعود الى نفسى مرة اخرى واشعر اانى ساذجة

ياااااااااااااااااه كم انا ساذجة

كم انا ساذجة لاننى اصدق احلامى

احلامى التى اكتشف انها احلام فقط لاغير

احلام فقط لاغير

السلامو عليكم




هاااااااااااااااااااااااااى

السلامو عليكم




عاملين اية ياحلوين يادى الكسوف اعرفكوا عن نفسى الاول




انا ويلا حتة بنت سكرة ياختى علية رحم الله امرى عرف قدر نفسة ههههههه




مش هطول عليكوا وبما اننا فى اول يوم رمضان والواحد بطنة لسة مليانة من الفطار




كل سنة وانتوا طيبين ورمضان كريم عليكوا كلكم




انا كنت عاملة مدونة فى جيران قبل كدة بس قلت خينى اعمل مدونة فى بلوجر يعنى بما انى بحبها وبحب المدونات اللى فيها




وبما ان صعب علية انقل حاجات مدونها من سنتين وصعب علية اقفل المدونة التانية بمال انها حبى الاول




فهخليها وابقى اطل عليها كل شوية كدة www.wella1.jeeran.com




يلا باااااااااى ورمضان كريم


الجمعة، 21 أغسطس 2009

انا عايشة مرة واحدة
زى اى واحدة
نفسى احس باأمان
ماابينيش احلام فى بالى تكسرها الليالى وابكى على حب كان.