الاثنين، 12 أكتوبر، 2009

ماوحشتكش





يوم واتنين اهو مروا علينا ماتقبلوش ياحبيبى عنينا ...ماوحشتكش؟


كل ما يعدى كام يوم ماشفوكش فية او ماسمعش صوتك فية افتكر ديما اغنية لطيفة ماوحشتكش

بجد بجد بجد بتوحشنى بتوحشنى اوى اوى


بتوحشنى نظراتنا بيوحشنى انى اسمع اغنية على ذوقك

مابحبش اعقد لوحدى اعقد افتكر كلامك واضحك زى العبيطة اوزع ابتسمات بلاهاء على الناس




اعذرونى هتلاقوا كلامى داخل فى بعض مافيش حاجة مرتباها فى دماغى عوزة اكتبها بس جى على بالى افضفض اتكلم
اكتب

من اول مابدئت الدراسة وبدء مشوارى اليومى للذهاب للكل للكلية اللى بتبعد عن بيتى ساعتين رايح وساعتين جاى

يعنى بقضى اكتر وقت فى المواصلات رايحة جاية نازله

بفضل انى احط السمعات فى ودنى واشغل الاغانى وابقى مع نفسىوافتح شباك المكروباص واسند راسى علية

واعقد افكر فى اى حاجة واعقد افتكر واو احلم احلام يقظة اتخيل مواقف افتكر مواقف واعد ابتسم مع نفسى

وشوية ازهق اروح مطلعة السبحة اسبح شوية او اطلع قران اقرى شوية

وشوية تانية ازهق اطلع كتاب اقراه وغالبا مايكون كتاب قصص قصيرة

يعنى اللى هيكون واخد باله منى وانا فى المواصلات هيقول عنى مجنونة مرة اغانى ومرة تسبح


بس تصدق بايه وحشتنى بجد وحشتنى

ههههههههههههههههههههههههههههه

لسة بنقول ياهادى فى الكلية الا وادونا اجازة اسبوع

فجاءة واحنا قاعدين فى الحاضر دخل علينا العميد وقال ياجماعة فى واحد زميللك تعب وتقريبا عندوا اعراض انفلونزا الخنازير

فا دفعة 3 كهربا كنترول اجازة وتعالوا يوم التلاتاء الجاى

انا اعقدت اضحك هيييييييييييييييية اجازة مش تفهمومى فرحت لية بجد ان شاله زملنا دة مش يحصلوا حاجة

بس اخدت اجازة وعقدت فى البيت مش لاقية حاجة اعملها واحنا كدة اتخرنا شهر فى الدراسة

ربنا يستر والسنة دى تعدى على خير يعنى كدة كل شوية هيادونا اسبوع اجازة والسنة هتروح علينا ياحلاوة

طب لما الشتا يجى كلنا بيجلنا انفلونزا هنعمل اية؟؟؟

مش عارفة ربنا يعدى السنة دى على خير والله ربنا يستر
ماكانوا ياجلوا السنة دى ويخلصونا باه


سيبك انتة من كل دة والله وحشتنى

شفت امبارح فليم زى النهاردة بجد فليم اكثر من رائع لدرجة انى خليت ماما تشوفة وشوفتة تانى مرة معاها

بجد جميل اوى

بجد مش لاقية حاجة اعملها انا زهقت من كتر الاجازة

انا امبارح اخدت محاضرة الكترونيات مش فاكرة حاجة ماكنتش فاكرة الدكتور بيقول اية اه الكلام دة سمعتة قبل كدة بس نسياه

انا ديما كدة ديما انسى الحاجات اللى اخدتها السنة اللى فاتت عندى فقدان ذاكرة صحابى بيقوللى احنا برضة مش بنفتكر مش بصدقهم لانى بجد مش ببقى فاكرة
معنى كدة انى لازم اطلع كام حاجة اراجعها

اففففففففففففف ربنا يستر



بس سيبك انتة وحشتنى وحشتنى بجد

يلا ادينى ارتحت شوية يلا الواحد لما بيكتب بيسترح بجد عارفة انو كلام ملوش لزمة بس عوزة اتكلم

هناك 17 تعليقًا:

فاتيما يقول...

غنوة لطيفة دى تحفة
بس تقولى إيه فى الرجالة اللى قلبها جامد دى ؟؟؟
يا ستى بكرة الاجازة تخلص
و تشوفيه
بس عاوزة اقولك برضو
مش هيبطل يوحشك حتى و هوه قصاد عينيكى
ربنا يسعد قلبك
و مش هقول غريبة إن تسمعى غنوة مرة و تسبحى مرة
مبتسمعيش انغام بتقول
حب و غنى و صلى جماعة
لقلبك ساعة و ربك ساعة
و عقبال ما دنيتك كلها تكون حلوة
يا ويللا
خالص ودى ليكى

wella يقول...

روح قلبى فاتيما
منورانى ياعسل

اه والله قلبهم جاااااااامد
:))

دموع القمر يقول...

وحشاااااااانى موووووت

يااحلى وييلا

معلش والله غبت

بس غصب عنى

دموع القمر يقول...

البوست تحفة ماشاء الله عليكى

لا انت وحشتيه بس بيتقل عليكى ههههههه

وبيحبك زى مابتحبيه كدا

دموع القمر يقول...

ياعين يااليل

ههههههههه

بالحق انت منين من الزقازيق

اصلى بفكر اعمل اللقاء البنانيتى لمدونين الشرقية ههههه

دموع القمر يقول...

زمن

تحت الشجرة ياوهيبة دا راح

وبقت

فوق النجمة يانفيسة نرقص ونغنى ههههههههههه

دموع القمر يقول...

اى والله بدعى

انى كدا الاقى فتى الاحلام

بس خايفة على بال ماالاقيه
ويكون كون نفسوا

يبقى شيخ الاحلام مش فتى

ههههههههه

wella يقول...

حبيبة قلبى

ايون من الزقازيق بس مش منها انا من ههيا جنب الزقازيق بربع ساعة لو تعرفيها


انتى منين باه من الزقازيق

فوق النجمة يانفيسة نرقص ونغنى ههههههههههه


تجننى شيخ الاحلام دة هتلاقية شيخ عجوز وبيطلع فى الروح

خليها على الله

دموع القمر يقول...

قوولى والله

مش بقولك جيران
انا كمان من ههيا

وربنا هههههههههه

wella يقول...

لا والله
ههههههههههههههههه

بجد
لالالالالالالالالالالالا مش مصدقة
ياسبحان الله

wella يقول...

لالالالالالالالالالالالالالا

مش هينفع الكلام هنا خالص

بصى خدى الايميل بتاعى ندرندش

wella_mk@hotmail.com

م/ محمد صالح يقول...

والله عندك حق الواحد لما بيحكى بيرتاح وربنا معاكى فى دراستك انا عارف مدى صعوبتها اسئلى مجرب ( أصلى زميل كفاح فى 3 مدنى ) ربنا يعدى السنة دى على خير اصل الموضوع مش ناقص ناخد الكلية فى 6 سنين بدل خمسة وبالنسبة للنسيان ده عادى وبيحصل مع اى حد مجرد بس ما تقرى عناوين وتشوفى كام مسئلة هتلاقى الموضوع تمام
تقبلى مرورى

الفراشه الحائره يقول...

حابه اشكر حضرتك على القصيده الجميله اللي انت اهدتهالى

mimi يقول...

اولا انا من محبي لطيفة يا ويلا

ثانيا ... أنتي كده صاحبتي في التقلبات الميكروباصية

هههههههههههههه

ثالثا ... ربنا يبعد عنك وعنا كلنا أي شر وأي وباء

رابعا ... بحس انك بتكتبي اللي جوة في قلبك

أحلي حاجة

عيش يا قطة وربنا معاكي

دعاء مواجهات يقول...

مفيش كلام ملوش لازمة

اى حاجة تحسى انك محتاجة تكتبيها لازم تعملى دة فورا الكتابة حياة ووسيلة للتنفس

ما اجمل الحنين الذى تسطرينى بيديكى بعفوية تامة

تحياتى وحبى ليكى ..

م/ محمد صالح يقول...

انت فينك ايه مفسش جديد منتظر من الجديد دائما ويا رب تكونى بخير

الفراشه الحائره يقول...

ادعوك لزياره مدونتتى و لي الشرف