الجمعة، 18 ديسمبر، 2009

بيقولوا انك قوى وبتجرح بالقوى!!





بما ان النهاردة اول يوم فى السنة الجديدة

كل سنة وانتوا كويسين وطيبين وفى احسن حال يارب



مش عوزة ابدء سنتى بوشى المكشر والكائبة اللى انا فيها من اسبوع دى

عوزة اخرج نفسى من المود دة

بجد انا تعبت مش هعرف اوصفللكم الاسبوع اللى فات علية دة فات ازاى عمرى ماحسيت احساس زية عارفين لما تحسوا قلبكوا بيتقطع من جوة
ماكتنش قادرة اتكلم كنت مصدومة مصدومة اية مصعوقة بجد عمرى ماحسيت الاحساس دة كنت حاسة نار فى قلبى حاجة طابقة على صدرى
الحمد الله دلوقتى هديت شوية

بس بجد انا زعلانة زعلانة اوى صعبان علية نفسى

كنت عوزة اعد مع نفسى ماكلمش حد ولا حتى اكلم نفسى اعد ساكتة كدة

يعنى هشكى لصحبتى تعد تقولى شوية كلام قال هيطبيطب على قلبى وكام نصيحة يااااااااااااه الكلام سهل اوى اوى بس تنفيذة ياااااه

مافيش اسهل من الكلام ولا النصايح

انا مش عوزة نصايح من حد انا عوزة حد يطبيطب علية بس حد يطبطب على قلبى

ان شاء الله هبقى كطويسة والايام هتعدى بس مش عارفة هعرف انسى ولا لا
مش عارفة هعرف اتاقلم مع الوضع الغريب دة

مش عارفة هلاقى طعم لحياتى بعد كدة حاسة حياتى بقت من غير لون بقت ابيض واسود من غيرك

صعبان علية نفسى اوى


لازم انسى صح لازم بس ازاى مش عارفة ومش عارفة لو عرفت هقدر ولا لا

بس بما انك قدرت اكيد انا هتعز علية نفسى وانسى الله يسامحك بجد

بيقولوا انك قوى وبتجرح بالقوى

صحيح والله بتجرح بالقوى اوى اوى


يااااااااااااااه مش عارفة السنة اللى راحت اقول عنها اية حلوة ولا وحشة

ههههههههههههههههههههههههه يااااااااااااااه ياربى

على العموم السنة بدئت وهتبدء معاها محاول
ة النسيان


انا عوزة اخرج بجد من المود اللى انا فية دة لانى مش بجب الكائبة

انا بعد اضحك على نفسى اهو شر البلية مايضحك

يبكى ويضحك لاحزنا ولا فرحا

__________________

بقى هوة الحب كدة
بقى هية الدنيا كدة

ياخسارة فرحتى ياخسارة ضحكتى

يامين ياخدنى تانى يرجعنى دنيتى

____

بيقولوا انك قوى وبتجرح بالقوى

هناك 11 تعليقًا:

أميرة علي كوكب مهجور يقول...

حياتك مش ابيض واسود
لازم تقدري ماهو قدر
هو محسش بيكي ولا فكر في حالك
يبقا احنا هنزعل ع حد محدش باله مننا وحافظ علينا
متهيالي احنا بنحب نفسنا عن كده ولازم نقدرها
حد محبنيش خلاص فهمنيش خلاص هو الخسران لاني اكيد كنت بحه بشكل مختلف عقله المحدود لم يستوعبه

احبي كما لاتحب امراءه وانسي كما ينسي الرجال..احلام مستغماني


فكري في نفسك ودراستك اضحكي والبسي اشيك حاجه واخرجي شوفي نفسك حلوة حبيها ساعتها هترجعلك وهتنسي الحياه مش هترجع تطبطب عليكي ولا هتستناكي


انت لم تعز بحبي اذن وداعا

wella يقول...

تسلمى على شوية الكلام الحلوين دول
يااميرة حبى انا


مواااااااااااااااه

بصوا انا هوزع بوس النهاردة كل مارد على حد ببوسة مش عرفة لية ههههههههه

Tamer Nabil يقول...

كل سنة وانتى طيبة

ربنا يحقق ليكى كل ماتتمنى

ربنا يوفقك ويكرمك

مع خالص تحياتى

Wish I were a Butterfly ... يقول...

مش هضحك عليكي وأقول لك هتنسي تماما

بس هقول لك إن كل حاجة بتهون مع الوقت، و هتبقي فاكرة بس مش بتتألمي زي دلوقتي. هتقدري إن شاء الله تحسي قريب أوي إن مفيش حاجة مش متدايقة، وهتقدري كمان لما تفكري إن الحد دة أكيد مش يستحقك إذا كنت بتحبيه كل الحب دة وهو مش فهم كدة ولا حسه بقلبه

معظمنا اتجرح... بس صدقيني هنبقي احسن كتير :). وف اي قت تحسي إنك متدايقة تعالي اكتبي:)). لو مش حابة للناس يبقى اكتبي لوحدك، بس بجد بتفرق أويييي يا ويللا

عارفة؟؟ في وقت من الأوقات حسيت إنها فععععلا نهاية العالم، وإني بجد مش قادرة أتنفس من كتر اللي حاساه
بس اكتشفت إن العالم حدوده بعيـــــــدة أوي أوي، وأنا لسة بكتشفه وربنا مخبيلي الخير وبس

إن شاء الله ايامك الجاية هتبقى أحلى من كل اللي فات :). مش تزعلي بأة

sookra يقول...

ويلا
قولى للسنه اللى فاتت باى باى
وحاولى تحلمى حلم يكمل
حلم تقدرى عليه فى السنه الجديده

أحمد شريف يقول...

انطلقي من جديد وارمي وراء ظهرك فالحياة حُلوة فاستمدي منها الطاقة للمواصلة

أميرة الاحزان يقول...

حبيبتى ...
الدنيا ما بتقفش على انسان
صدقينى محدش في الدنيا دى يستاهل اننا نعذب نفسنا علشانه
انا مثلا حبيت وبكل اخلاص
واتجوزت الي بحبه وفي الاخر خانى وغدر بيا باسوء الطرق
بقالي فتره مش طويله منفصله عنه ومش قادره انسى وبفتكرله كل الحلو وبنسى الوحش
وللاسف بلاقي منه كل شويه جديد يخلينى اكرهه
واقول لنفسي ايه الي انا عملاه ده هو عايش حياته عادى وانا الي هموت من غيره
شكلي رغيت كتير بس حبيت اقولك على التجربه الي عشتها
وصدقينى الي يبعنا ما يستهلش اننا نبكى عليه
تقبلي مروري
ربنا يوفقك

Sonnet يقول...

أدعوك لقراءة هذه التدوينة للتعميم:
مع خالص احترامي
ولكن هل هناك من استورده فعلا؟
بقليل من البحث والتدقيق وقبل أن تثار معركة الغشاء المقدسة كان من الممكن اكتشاف عدم صحة المنشور على موقع الإذاعة الهولندية عن "رواج غشاء البكارة الصيني في مصر"، والذي نقل عنه موقع اليوم السابع ثم تبعه آخرون من صحفيين ورجال سياسة ودين بين استنكار وتحريم، وهكذا (كما حدث مع خبر ساركوزي ومباراة الجزائر والذي تم نقلة عن موقع ساخر كما لو أنه خبر حقيقي): تم تدشين معركة اجتماعية وأخلاقية بسبب موضوع مختلق، بلا أي مصدر أو دليل.

http://kashfun.blogspot.com/2009/12/blog-post_8521.html

الفراشه الحائره يقول...

ما هو الحب جديد على الفراشة الحائرة http://frasha7a2ra.blogspot.com/
*

شاب فقرى يقول...

جاى اقول

كل سنة وانتى طيبة وبالف خير

ادام الله عليك الفرحة والسعادة

شاب فقرى

a7med-Mado يقول...

أول زيارة للمدونة
بجد المدونة تحفة والبوستات هايلة
سعيد جدا بزيارتى لمدونتك