الاثنين، 21 سبتمبر 2009

ياصباح اللخير يلى معانا

ياصباح الخير يللى معانا
يسعد صباحكم ياحلوين
النهاردة تانى يوم العيد صحيت بدرى الساعة سبعة وربع صحيت كدة لوحدى من غير ماحد يصحينى والحمد الله صحيت مبسوطة
ومزاجى رايق ومروق ومزاجى عال العال...هوة مافيش سبب محدد بس اهو ادينى مبسوطة الله يديمها نعمة
ومع انى نمت امبارح متاخر الساعة تلاتة فغريبة انى اصحى بدرى صاحية كدة فايقة وشبعانة نوووووووووم
والله العيد لية فرحة وبهجة غصبن عنا هنحسها حتى لو بقينا مش بنفرح بالعيد زى زمان واحنا صغيرين
امبارح كان اول يوم للعيد ,,,كعادة كل عيد صحيت انا والعائلة الكريمة الفجرية صحينا دة اية احنا اصلا مانمناش مش كان جيلنا نوم
انا وبابا وميدو اخويا فضلنا صاحين ماما اللى نامتلها ساعة كدة
بعدين رحنا صلينا العيد...اصلا العيد هوة الصلاة وقت الصبح دة بس الى بحسة العيد بنروح نصلى فى الساحة وتقريبا البلد كلها بتبقى هناك وبتقابل كل الناس اللى تعرفهم واللى ماتعرفخهمش وتعد تبوس وتبارك وناخدها مش ونعدى على كل اقرايبنا واهم حاجة طبعا بنلم العديات صحيح كبرنا بس لسة بيدونا والله بتكسف لما باخد العيدية بس بفرح اوى بيها
بحس فى فرح فى الجو كدة وبحب اتفرج على العيال الصغيرو وهما لبسين هدوم جديدة ومعاهم لعبهم الجديدة وقاعدين يلعبوا وبحب اشوف البنات الصغيرين وهية لابسة طقم العيد ولازم تكون معاها شنطة بيبقى شكلهم حلو اوى
ياااااااااااااااااااه يارب ديما تحلى ايامنا وتبسطنا يارب
طولت عليكم بس يلا ماهو عيد بقة
تعالوا دقوا الكعك والبسكويت بتاعنات ماما عمالة شوية كعك انما اية يستهالوا بقكم
يلا مواااااااااااااااااااااااااااااااااااااااااااااااااه

هناك 7 تعليقات:

Yusuf يقول...

اول تعليق هييييييييييييييه

كل سنة وانتي طيبة ويارب يجعل ايامك كلها عيد

يا بختك خدتي عيدية انا في حالة تجاهل تام

مع اني لسة صغير وعندي بس 22 سنة

ومتشكرين ع الكحك والبسكويت

تقبلي تحياتي

TWEETY يقول...

كل سنة وانت طيبة

مبسوطة انى زرت المدونة

wella يقول...

كل سنة وانتة طيب يايوسف

ياااااااحراااااااام بجد صعبت علية مش اخدت عيدية

يعنى انا سنين وابقى قدك ومش اخد عيدية

يلا كلنا لها

يلا مش تزعل خد جنية جديد اهو عيدية يامعلم ولا تزعل

wella يقول...

تويتى وانتى طيبى ياعسل
انتى اللى نورتينى ويارب ديما تنورينى

blue-wave يقول...

كل سنه وانتى بالف خير
انتى اخدتى عيديه وانا بقى بقيت بدى عيديات:))

wella يقول...

وانتة طيب يادكتور عمرو

:))

نورتنى بجد

مع تحياتى ويلا

Heba يقول...

لا لا لا انتى اكيد قرأتى مذكراتى بجد قبل كدة,مش عارفة ليه حاسة اننا نعرف بعض