الأربعاء، 11 أغسطس 2010

شوية حاجات كدة


الكلمة المعتادة اللى بقولها ديما يااااااااااه من زمان مش كتبت فى مدونتى
مش عارفة لية (كل دة بقولة ديما مش جديد يعنى)
بس يمكن مش كتبت عشان انا الايام اللى فاتت كنت برغى جدا مع كل الناس
وعندى حالة سعادة عبيطة كدة معرفش لية

يعنى تلاقينى كنت راسمة ابتسامة على وشى من غير سبب
يلا الحمد الله سبحان الله والله الانسان دة غريب مش عاجبة حالة لامبسوط ولا مدايق


حصلتلى كام حاجة كدة فى الاسابيع اللى فاتوا

اولها انى عملت عملية ليزك يعنى ودعت النضارة لللابد
اللى الابد
ماكنتش خايفة انى اعملها عادى
ومش خوفت نفسى
عادى دخلت العملية عشر دقايق وطلعت
بس بينى وبنكم كنت متنشنة فى اوضة المليات اوى وقت العملية وانا بعملها خفت بس مش كتير نص نص

بس اية باه بعد العملية متعة مش اوقوللك باه

متعة انك تشوف الحاجة من غير نضارة طبعا اللى مجاربين النضارة عارفين الام والمعانة اللى بيستحملها اللى بيلبس النضارة

اصلى انا من غير النضارة كنت عامية مش بشوف حاجة (هوة نظرى مش ضعيف اوى كدة )بس كنت مش بسمع ولا بشوف ولا بفعهم حاجة وانا قالعة النضارة مش تفهم السمع والفهم اية علاقتهم بالقعان النضارة بس اهوة دة اللى بيحصل
ماعلينا
متعة انى اقوم من النوم وابص فى الساعة واشوفها
اصلى بعيد عنك كنت لازم البس النضارة عشان اشوف الساعة (الله الساعة هية اللى بعيدة اعملها اية)

وحلى متعة باه هية انى البس نضارة نظر ياحلولى ياحلوى واشوف بيها كمان ههههههههههه

دة انا نت محرومة ياجدعان ههههههههههههه
بس الحمد الله الحمد الله والشكر على تقدم العلم للدرجة دى ههههههههههههه عشان العمى اللى زينا
الحمد الله

ومن يومين كدة طلعت كل نضارتى
كانو سبع نضارات 3 منهم مكسورين
واربعة سلام وعايشين
يااااااااااااااااااه روحت اديتهم لماما وقلت اتبرع بيهم راح بابا اخد واحدة وماما واحدة وقالوا هيعملوهم قراية
واخويا استلوى على اتنين
يلا الاقربون اولى بالمعروف هههههههههههههه

تانى حاجة انى تميت عنر 21 سنة
اااااااااااه يعنى كبرت سنة عن العشرين
مش عارفة شعور مش لطيف ان الواحد بيكبر
ماعلينا ادى الايام بتعدى والواحد بيكبر يلا خير

وتالت حاجة باه
انى نجحت ياجدعان ياهوووووووووووووووووووووووووو
بصراحة احساس حلو انك تنجح وتعدى كدة صافى مش شايل مادة
صحيح طلع عين ابويا فى المذكرة وشعرى وقف من كتر الدح
بس الحمد الله ربنا مش كسفنى ومش ضيع تعبى ويارب احافظ على مستوايا كدة

دة انا جايبة جيد مرتفع مش اى حاجة
اية مرتفع دى مش تسءلونى بس عشان ارفع من نفسيتى شوية هههههههههههههه


بس دى اهم الاحداث اللى حصلتللى الايام اللى فاتت
كل ماافكر انى اكتب البوست دة النور يتقطع معرفش لية
والتلات ايام اللى فاتو كانت الكهربا بتقطع كتير اوى اوى ونعد فى الضلمة والحر والحر اااااااه من الحر

ورمضان جة علينا وكل سنة وانتوا طيبن وينعاد عليكم بالخير يارب

هناك 14 تعليقًا:

adel يقول...

مبروك الليزك و توجيع النضارة و عقبالي بس بعد الجيش وش :)
رغم اني مسجد علي النضارة دي قوي

مبروك علي النتيجة :))))

مبروك 21 و كل سنة و انتي طيبة

لامضان كريم و مبارك :)

كل ده و السعادة عبيطة ؟؟
طيب باصيلي بربع جنية عبط مشكلين كده :)

wella يقول...

الله يارك فيك ياعادل 3 مرات
مش مرةواحدة

Timo.. يقول...

ممممممم...
طب يعني اللي معدي من هنا يبارك على ايه..؟؟
خلعنا النظارة..
ونجحنا..و (بجيد مرتفع) ما شاء الله..
وكمان بقينا 21 سنة..؟
مبروك وكل سنة وانت طيبة :)

دموع القمر يقول...

مبروك يادقرمة
وانا نجحت وجبت جيد يابت شوفتى ههههه
وان شاء الله قريب هنزل من الاسماعليه واخيرا هشوفك هههههه
بس المهم انا شاكة ان هيحصل حاجة هتخلينا نحلف مانشوف بعض هههه

Timo.. يقول...

صباحك مطر بالورد والياسمين.
تقريبا انت موجودة هنا..
واجمل صباح لما الاقي اربع كومنتات منك عندي..
بجد عجبني اهتمامك انت كمان بالتفاصيل واهتمامك اكتر بالبوستات القديمة..
انا باعمل كده انا كمان لكن محدش بياخد باله ولا (بيقدر) الاهتمام ده.
(';')

wella يقول...

تيمو
يسعد صباحك
الحياه اذا عشناها من غير ماناخد بالنا من التفاصيل مش هيبقى ليها طعم

مش اى حد بياخد باله او بيقدر :) مش اى حد

wella يقول...

دة انا كدة اللى هباركللك يادموع القمر
الف مبروووووووووووووووك ياعسل
عقبال السنة الجاية
والفرحة الكبيرة

يوميات رجل مش عايز يجوز يقول...

كل عام وانتى بخير رمضان كريم

والف مبرروك النجاح قعبال كل سنة

وحمد الله على السلامة

ربنا يوفقك

تحياتى

طوبه فضه وطوبه دهب يقول...

حمدلله على السلامه ومبروك النظر الحاد كل سنه وانتى طيبه ياقمرايا

sendbad يقول...

كل سنة وانتي طيبة رمضان كريم
احييكي علي مدونتك ليها طابع خاص ومميز
تحياتي

دموع القمر يقول...

دعوة خاصه
قلوب بلامرسى
هستنى تعليقاتكم لانها هتفرق معايا كتير

دموع القمر يقول...

انت مخاصمانى ولا ايه

Timo.. يقول...

بس بس بسسسسس..
ايوا..انت..
ما انا جاي هنا عشانك انت :)
عشان اكتب لك مش انقل copy

جاي اقولك كل عيد وانت بكل الخير يا ويلا
ويا رب ايامك كلها اعياد وهنا (';')

Timo.. يقول...

انت مختفية فين بقى كلللللل ده...؟؟
انا جيت اكتر من مرة ومش لقيتك :)