الجمعة، 18 مارس 2011

هقول لا





بكره هنروح نعمل استفتاء للتعديلات الدستورية
لاول مرة بحياتى وفى حياتنا كلنا هنروح نعمل حاجة زى كدة

انا عن نفسى هروح واقول لا

لا لترقيع الدستور

لا عشان بمتتهى البساطة ابنى بلد على اساس صح اشتغل من الاول صح


انا قرييت الجملة دى على الفيس بتقول:
سألت قهوجى هتعمل ايه فى الاستفتاء؟ قال "لا" طبعابقولة ليه طبعا؟ قاللى يعنى أنا لو عملتلك كوباية الشاى دى على التفل القديم هتشربها؟؟؟؟

لا عشان مش هعرف اكون احزاب جديدة احزاب من الثورة تعبر عن الشعب بجد عشان مافيش وقت ينظموا نفسهم

لا عشان لو قلت نعم اللى هيدخوا مجلس الشعب والشورى هما الاخوان وبقايا الحزب الوطنى عشان دول هما المنظمين دلوقتى

لا للتعديلات الدستورية للدستور القديم
ونعم لعمل دستور جديد بدل ترقيع القديم ولو حتى مؤقتا طب لية اعدل دستور واعمل انتخبات مجلس شعب وشورى وبعدين انتخبات رئاسة وبعدين اعمل دستور جديد وبعدين احل مجلس الشعب والشورى واعملهم من جديد

لية اعمل كل دة وانا ممكن اعمل دستور جديد من الاول وريحينى من كل الدوشة دى

بس اهم حاجة سواء كنت نعم او لا ان احنا نحترم اراء بعض
وان شاء الله خير ويكون الافضل للبلد

هناك 3 تعليقات:

حَـبآيـۃْ.بـטּـدۉڷ يقول...

عَـآرفَـه يَـآ وِيلَآ ..

مَـآبِين الـ"لآ" و " النَّعم " ..

لِـحَدْ دِلوَقتِي أنَـآ مِحتـآره ..

كُل مـآ أقرأ حَـآجه .. أو أسمع

رأي مُعارض .. لِـرأي تانِي ..

الحِيرَه تَـآكُلنِي ..

بِجَدْ .. رَبنَـآ يُستُر ..
:)

محمد يقول...

خلاص ياجميل الشعب قال كلمتة
قال نعم

ربنا يستر خير ان شاء الله

Timo.. يقول...

سبحان الله يا ويلا..
يعز من يشاء ، ويذل من يشاء..
مين كان يتخيل ان ده كله ها يحصل..؟!!

المهم انت واحشاني جدا وواحشني وجودك :)

مساءك ورد وقرنفل (';')