الثلاثاء، 2 أكتوبر 2012

لو كان فى فرصة!!








 لما قصة حب حلوة بريئة تتخلق بين شخصين وهما يبقوا بيحافظوا عليها ويدعوا ربنا ان فرحتهم تكمل ويتجمعوا فى بيت واحد
بس لللاسف ديما  بيجى وقت يبقى عامل زى  مفترق طرق فى اى قصة حب  ممكن يفرق بينهم ويوجعهم
 فيحسوا احساس تانى  احساس مر مش حلو بيبقى اصعب شعور فى الدنيا لما قلبك يتوجع على فراق شخص بتحبة اوى غصبن عنك او حتى لو كان برضاك!!
كنت ديما بقول  ان الانسان اللى ممكن يضيع احساسة بالحب والسعادة مع شخص مهما كانت الظروف يبقى شخص غبى
 مش يبقى غبى بس دة يبقى اغبى انسان فى العالم
 بس احيانا الظروف والاهل والناس والمجتمع  يفرضوا علينا اننا نتخلى عن شخص بنحبة وبيحبنا  نتخلى عن حبنا  عشان خاطر تفكريهم هما  ...وبنحاول نقاوم بس بنفشل 
بس لو جتلنا فرص اننا نرجع نتمسك بالحب دة اننا نرجع احساسنا بالسعادة والحب احسانا اننا نبقى مع الانسان اللى بنحبة
لازم نتمسك بالفرص اوى ومش نحاول نضيعها من ايدنا لان هيجى وقت مش هيبقى فى اى فرص  هيجى وقت هنحس بالضياع والخسارة هيجى وقت نخسر فى احساسنا بالحب  او نخسر فية حياتنا.
لما نيجى نعمل مقارنة بين القلب والعقل  ونشوف عقلنا بيقولنا اية وقلبنا حاس بااية هنلاقى  كل واحد فيهم هيودينا طريق عكس التانى
بس سواء اخترنا العقل او القلب  لازم نتحمل عواقب اختيارنا لان لكل واحد لية عيوبة ومميزاتة  بس لو مش ارتحنا فى الطريق اللى اخترناه   يبقى حظك حلو اوى لو كان لسة فى فرصة انك تختار الطريق التانى
عشان مش تعد تفكر مع نفسك وتقول لو كان فى فرصة ....لو كنت عملت كدة ...لو  ...لو

خلى عندك امل وايمان  ....فى امل :)
لو كان فى

هناك تعليقان (2):

نهر الحب يقول...

:))
وحشني كلامك كالعادة

ويلا
كلامك صح اوي
بصي ساعات في الحيرة بنبقي عاوزين نختار ولازم نتحميل نتيجة اختيارنا ده سواء بالعقل او القلب
ومافيش حاجة ليها مقاييس
بس اللي يسيب حب يضيع منه يبقي ماحبش بجد....لاني مقتنعة ان الحب اقوي من الظروف
مازلت وحفضل مقتنعة بده

مسلم مصرى يقول...

بصراحة نفسى اشوف قصة حب كملت :)
يا اما بتفشل قبل الجواز يا بعده يا بتبقى عيشة والسلام
بس بتهيالى إن الحب الصحيح هو اللى بيجمع بين القلب والعقل
تحياتى المعطرة