الأربعاء، 2 يناير، 2013

صندوق الامنيات



سنة 2012  تعتبر سنة تحقيق الامنيات بالنسبة ليا 
يعنى كاان الشمعمة اللى بتطفيها كل سنة على تورتة عيد ميلادى وبغمض عينى اوووى وبقول يارب  حققلى امنياتى ....كل سنة كنت بدعى اوى وبغمض عينى اكتر
لحد ماربنا استجاب وقال لامنياتى كن فكانت وتحققت فى 2012

ومع انها سنة فيها رقمين زوجين يعنى حبتها من قبل ماتبدى 
بس ماكنتش متوقعة خالص انها تبقى حلوة كدة 

:) الحمد الله الحمد الله  بحمدك ياربى وبشكرللك  برغم كل التعب النفسى والذهنى والتوتر  والتوهان اللى حسيت بية بس انتة طمنتنى فى الاخر وحققتلى  اللى اتمنيتة 
* هقول امنياتى اللى اتحققت بللى حصلت باالترتيب:

اولها ان روحت رحلة الاقصر واسوان اللى كنت بحبم بيها من صغرى ورحتها مع اعز صاحبة ليا وكان اسبوع يجنن  ...يجنن اية كان روعة خرافة  يهبل 
بجد من احلى الاماكن اللى زورتها طول حياتى 

ثانيا انى انخطبت لروح قلبى وحياتى   الحمد الله ربنا  خلاه من نصيبى  وماحرمنيش منه
ياااااااااااااااااااااااااااااااه  الحمد الله


  ثالثا  اتخرجت اخيرا وبقيت مهندسة واخيرا خلصت من قرف الكلية والمذكرة  دول  اهم 3 امنيات كانو فى حياتى وكنت فى كل صلاة كنت بدعى بيهم ديما وربنا ماكسفنيش وحقهم ليا بعد شوية تعب حبييتن  بس الحمد الله ماانا لازم اتعب عشان احس بحلاوتهم
بس خايفة صندوق الامنيات يتقفل  والعروسة تقف ومش ترضى ترفع ايديها وترقص  والصندوق يبطل يشغل موسيقى والعروسة تفضل واقفة مكنها  مش بتتحرك ولا بتدور  خايفة فعلا اوى ....بس  هفضل متفائلة بغض النظر عن اللى حصل فى سنة 2012 من اجهاض للثورة قتل فية الامل :(

هناك 4 تعليقات:

نهر الحب يقول...

كل سنة وانتي طيبة ويارب تحققي كل اللي تتمنيه ديما

عارفة
نفسي اوي بجد يبقي عندي الصندوق اللي العروسة بترقص فيه ده
:))

مسلم مصرى يقول...

ربنا يحققلك كل أمنياتك
أنا برضه الحمد لله زرت الأقصر وأسوان وقعدت اسبوع أكتر من رائع
وبرضه الحمد لله اتخرجت من كليتنا العقيمة بي لسة مبقتش مهندس :))
جيش بقى واللى الذى منه

ومبروك على الخطوبة
والسنة الجاية تكون أفضل بإذن الله
تحياتى المعطرة

حبات التوت يقول...

:)
وانتى طيبة ياجميل سنة حلوة علينا كلنا ان شاء الله

ماما كان عندها صندوق زى دة وانا صغيورة وانا كسرتهولها وشلت العروسة منه :)
كنت شقية انا

حبات التوت يقول...

مسلم مصرى
مش اتخرجت يابشمهندس اكيد بقيت مهندس:)
ان شاء الله تخلص الجيش على خير
الله يبارك فيك ويارب السنة الجديدة حلوة علينا كلنا