الجمعة، 8 فبراير، 2013

اهو كلام


 
مابحبش الغباء  بتنرفز من الناس الغبيبة
******************************
من حق كل واحد يكتئب ويضرب بوظ شبرين تلاتة قدامة   بس بعد كدة يقوم ويف على رجلية تانى ويصحى يشوف  هيهبب يعمل اية فى حياتة
***********************************
انا حاسة انى بقيت كائن مستهللك فقط لاغير ....بقيت كائن مش بيعمل ايتوها حاجة
****************************************
بقالى كتير ماتفرجتش على فليم هندى  ...محتاجة بجد اتفرج على فليم هندى  والله افلامهم مع انها عبيطة بس فيها كل حاجة بتيدنى دراما ورمانسية وخيال ورقص واغانى واكشن وكوميديا  كل دة فى فليم واحد  يعنى كوكتيل من مختلف المشاعر بتحسها مع بعض  فانتة بتيقى احاسيسك متلخبطة من جواك عارف انو فليم هندى  بس  مستمر برضة تتفرج علية
**********************************8
انا بقت دمعتى قريبة اوى  وبعيط على ايوتها حاجة  ..مشهد فى مسلسل عبيط  او فليم متخلف  شفتة قبل كدة
****************************
انا بقيت برضة   نفسى عوزة انفس عن غضبى وابين بجد انى متنرفزة واشتم وابهدل اللى قدامى  مش عوزة تانى اكبر دماغى واعدى
مهو فى طريقين انى ابين وجهة نظرى انى اتنرفز واشخط عشان افهم اللى قدامى  انى مدايقة منة 
او انى اكبر دماغى زى ماانا بعمل كتييييييييييييير وارد زى مااميرات ديزنى بيتكلموا والعيبة مش بتطلع من بقى ..بس جوة دماغى  بعقد اقول اللى انا عوزاه 
*************************************
انا اكتشفت انى بتكلم مع نفسى كتير  بعقد اتكلم معاها كتير ...والله نفسى دى حد طيب ولذيذ  :)  هوة دة جنان  ولا عادى :))

|********************************

بكره العتاب  وبدايق من اللى بيعقدوا يعاتبوا على الحاجات التفهة ببقى نفسى اولع فيهم
*********************************
مابحبش ارتب الهدوم واطبقها  وارتب الدولاب اصلى كل مرة برتبة  بيتنعكش تانى...المفروض يخترعوا دولاب يرتب الهدوم لوحدها
*******************************
عوزة يبقى معايا فلوس كتير  واشترى حاجات تافهة كتييييييييييييييييير
*****************************************
فى ناس بيض  ..وببقة نفسى اقولها يابيض ....................ماحدش يسئلنى تقصدى اية بمعنى كلمة بيض  لانك لو سئلتها اكيد هتبقى بيض

*****************************
مش بحب الناس اللى بتنانعر :) اهالا يعنى بيشوفوا نفسهم  وفاكرين نفسهم حاجة وهما اصلا ....يلا بلاش اشتم  عيب
********************************8
كان نفسى ابقى اسكندرنية عشان اقول كلمة احيه  براحتى  :)  ..انا حقا اعترض  دة معناها   وطبعا بما اننا مصرين بنحب نختصر الاشياء اخدنا اول حرف من كل كلمة :))
*************************
انا بقيت مدمنة شكولاتة  :(  بجد بقيت بكلها  بغباء 
***************************************
الوضع فى مصر لايبشر بخير واى كلام عن الامل دلوقتى يعتبر وقاحة  وفى نفس الوقت فقدان الامل يعتبر خيانة للثورة  بس غصب عنى  بقى الوضع لايحتمل 


بس خلاص




هناك 6 تعليقات:

candy يقول...

بوست غضب طافح :)

مسلم مصرى يقول...

بصى أنا ممكن أسكت بس غصب عنى لازم أتسحب من لسانى وارد على بعض الحاجات
لازم تفضلى زى أميرات ديزنى بدال متعرفيش تبقى وسط
غلط انك تفتكرى إن نفسك حد لذيذ وطيوب وعسول ، دى النفس دى أس المصايب كلها
لازم الدولاب يكون مترتب
ومينفعش بنت تقول بيض وسبتى كل حاجة ومعجبكيش إلا أحيه فى اسكندرية :))
وباقى الحاجات أنا معك مائة فى المائة
تحياتى المعطرة

شاب فقرى يقول...

ثوانى اجيب حاجة واجى أعلق :D

شاب فقرى يقول...

انا شايف الناس بتتكلم عن الغضب
لكن فين الغضب
انا شايف ملل بس
انتى فى حالة من الملل والزهق والرغبة فى التغيير لكن فى نفس الوقت قاعدة فى مكانك :D

أحب أبشرك يا حاجة ويلا

إن القعدة فى المكان مبتغيرش الحال

قومي شوفي حاجة تغيره

زوري زمايلك حتي لو هتضيعي اليوم كله فى زيارتهم
قدمي علي شغل فى كذا مكان حواليكي وانتى بسم الله ما شاء الله قدامك فرص كتير

عشان تبطلي تبقى كائن مستهلك حاولى تنتقلي لخانة الانتاج

بالنسبة لاحساس الدمع القريب دا طبيعي يا بابا
لان اختلاطك بالبشر قل وبالتالي بقت اى حاجة بتحرك احساسك ولو حتي كتاب عبيط او مشهد من فيلم متخلف
لانك متفقدة التعامل الادمي

بصي يا حاجة ويلا

انا بقالى سنين بفكر فى نقطة الغضب دي

الغضب طاقة مش مفيدة لانها زي ما بتخلينا نعمل حاجات كتير بتآكل فينا
وعشان كدا مش هي العامل الاساسي جوايا دلوقتى

الطاقة اللى جواكي مصدرها بيقول هتروحي فين وهتوصلي لايه
حاولى تبعدي عن الغضب
اما بالنسبة للاغبياء او الحمقي او الخونة او اى ولاد تيت
تقدري تعامليهم بمبدأ التجاهل والاهمال وتنقليهم من مكانهم لمكان تاني
لانهم خلاص مبقوش يستاهلوا مكانهم

الحديث مع النفس من وجهة نظري شىء رائع وجميل
ولكن
لازم يبقى حوار مثمر
او فى فكرة هادفة
مش قاعدين بنرغي وبنلعب وخلاص فى اى موضوع تافه

سيبك من العتاب
لان اللى غلط مرة اكيد هيغلط تاني
يبقى ليه نعاتب :D
نمشي الناس باي باي وخحلاص

وحضرتك بقى يا حاجة ويلا ازاى مكسلة ترتبي الدولاب امال لما تتجوزي هتعملي ايه فى البيت كله؟؟؟

بالنسبة لنقطة الفلوس الكتير فانا معاكى جدا فى النقطة دى
انا اول حاجة هعملها
ناوي بعون الله لما ابقى مليونير انزل اشتري ست عربيات جنب بعض من عربيات الباعة الجائلين دول
واحدة تبقى حمص الشام
والتانية بليلة
والتالتة غزل البنات
والرابعة تبقى ترمس
والخامسة لب
والسادسة تبقى بلالين ولعب أطفال

وأحطهم قدامي عالكورنيش يمشوا ورايا وانا بتمشي مع خطيبتي
ما انا هكون لسه مخطبتش
وكل شوية اجيبلها حاجة
:P

سيبك من العالم البيض
هما آذيين نفسهم خلقة :D

أما بالنسبة لاى حد بيتأنعر

لازم تشيلي معاكى على طول شبشب زنوبة بوردتين تضربيه بيه لما الحالة تهب :D


انا مش اسكندراني وبقول احيه ومقتنع انها مش عيب وكلمة لطيفة :D


المجد للشوكلاته بس شيلي لي شوية

دايما فى امل فى مصر
بس دا واحنا فى بلاد برا بعون الله

هاف فن فى حياتك

نهاره أبيض :D

كريم
شاب فقري

غير معرف يقول...

ثقافة الهزيمة .. أرجوك لا تعطنى هذا السرطان

"مرسى" لأهالى مطروح: المشروع النووى فى الضبعة.. و"ما أدراكم ما الضبعة!" قال الرئيس "مرسى" للأهالى إنه يسعى لإنشاء 5 مشروعات نووية لتوليد الطاقة الكهربائية، وليس مشروعاً واحداً فى الضبعة، ومازح الأهالى قائلاً: "الضبعة.. وما أدراك ما الضبعة"

و نشرت مجلة دير شبيجل الألمانية فى 19 مايو 2011 "الفلبين : أطلال المفاعل النووى باتان مزار للسياح " كارثة فوكوشيما أعطت رد فعل ، المفاعل النووى الوحيد فى الفلبين
Bataan لم يتم تشغيله أبدا و لم ينتج كيلو وات واحد من الكهرباء للأن و سيظل هكذا مستقبلا ، و الأكثر من هذا أن المفاعل النووى الذى يقع على شبة جزيرة باتان أصبح منذ مايو 2011 مزار للسياح.

و نشرت صحيفة Wirtschaftsblatt النمساوية فى 17 نوفمبر 2011 "تجارة خطرة مع المفاعلات النووية " على مستوى العالم سينخفض نصيب الكهرباء المولدة من الطاقة النووية من 16 % الأن إلى 6 % بحلول عام 2050 . ليس فقط كوارث المفاعلات النووية مثل فوكوشيما، بل إيضا مشاكل البيئة مثل مياه تبريد المفاعلات النووية ، كل هذا يؤدى إلى الأعتراض. ألمانيا قررت بعد الكارثة النووية فى فوكوشيما إنهاء الطاقة النووية ، وبجانب ألمانيا قررت 6 دول أخرى كانت لديها خطط للطاقة النووية تغيير أستراتيجيتها.

و نشرت صحيفة دير شتاندرد النمساوية فى 26 مايو 2011 "سويسرا أبتداء من عام 2034 بدون طاقة نووية" سويسرا تنهى الطاقة النووية على خطوات، هناك 5 مفاعلات نووية فى سويسرا و قررت الحكومة السويسرية أنه بعد أنتهاء العمر الأفتراضى للتشغيل لها و يقدر ب 50 سنة لن يتم أحلالها ببناء مفاعلات نووية جديدة. بعد الكارثة النووية فى فوكوشيما باليابان لم يعد ممكن التفكير فى التوسع فى الطاقة النووية، و بدأ الأتجاة بصورة أقوى إلى الطاقات المتجددة.

و نشرت صحيفة دى برسة النمساوية فى 2 نوفمبر 2011 "بلجيكا تخطط لأنهاء الطاقة النووية" الحكومة الحالية تريد أبتداء من عام 2015 أنهاء الطاقة النووية، وأغلاق ال 7 مفاعلات نووية فى بلجيكا تدريجيا.

و نشرت صحيفة دير شتاندرد النمساوية فى 15 يونيو 2011 إيطاليا تظل خالية من الطاقة النووية، هو قرار الإيطاليين فى أستفتاء شعبى و الذى صوت بنسبة 95 % ضد الطاقة النووية. ..باقى المقال بالرابط التالى

www.ouregypt.us

طارق قاسم يقول...

بصى ياويلا الغباء اكيد مووجود بس متنسيش ان فية قصادة ذكائك وبذكنائك اكيد هتخلى تاثيرة يكون سلبى على صاحبة وايجابى عليكى بانك تتديلة جرعه غباء زى مبيدهاللك سعتها اكيد هيكره نفسة واعملى حاجة جديدة كل يوم تكسر الملل حتى لو حاسة انها مجنونة المهم تكسرى الملل والطريقى الجديدة انك تعملى حاجة نفسك تعمليها بجنان تغنىنى