الجمعة، 30 أكتوبر 2009

مابحبكش بكرهك




الشتا قرب يجى


على وشك الوصول


مابحبوش خااااالص


فصل كئيب مش بحبة خالص



الوقت فية بيطول بشكل فظيع الساعة خامسة والمغرب بيدن


الدنيا بتبقى سقعة والناس قاعدة فى بيوتها وبتنام بدرى


والشوارع من بعد المغرب هس هس


ووقت مذكرة وامتحنات


ورجلى بتسقع ومش بتتدفا مهما لبست شربات


وانا مابحبش رجلى لما تسقع بدايق



ومفيش فاكهة غير البرتقال واليوسفى


وايدى بتسقع اه



بجد فصل كئيب


الحاجة الوحيدج اللى بحبها فية الهدوم الشتوى بحب الهدوم الشتوى اوى بتعجبنى


وبما اننا فى الخريف والشتا قرب يجى فقلت اقول شعورى اتجاه الشتا يمكن يسمع رايى ومايجيش :))

بصراحة ياواد ياشتا انتة انا بكرهك مابحبكش كدة لله فى الله
ماتمشى باه وماتجيش تانى

الدراسة بدائت ياجدعان ومبقتش ادخل على النت غير يوم الجمعة بس


ربنا يستر ادعولى بجد الله يخليكم السنة دى شكلها صعبة تقيلة عوزة دح


والشتا جى والواحد بيبقى عاوز ينام طول الوقت يبقى هدح امتى



النهاردة الصبح صاحية بدندن اغنية شعورى نحيتك شعور اكيد اكيد شعور بحبتك مليان مش عارفة اية .......




هناك 18 تعليقًا:

------ يقول...

اووووووووول تعليييق

------ يقول...

لالالا

دا صحيح

طب والتانى كمان علشان خااطر

حبيبة قلبى اللى وحشااااااااانى مووووووووت

------ يقول...

ربنا معاكى ويوفقك

تعرفى انى بموت فى الشتا بحب امشى تحت المطرة احب ادعى ساعة المطرة

احب اشتا جدا جدا

لكن على حكاية الهس هس
دى فى بلدنا بس ياامى

علفكرة انت وحشانى خالص
تصدقى كنت معدية من قدام لعيادة وكنت هعدى اسأل عليكى اى والله ههههه

well يقول...

دخل الشتا وقفل البيبان على البيوت و جعل شعاع الشمس خيط عنكبوت و حجات كتيــــر بتموت فى ليل الشتا لكن حجــــــــــات أكتر بترفض تموت
..تحياتى

أميرة علي كوكب مهجور يقول...

ليه كده يا ويلا
انا بحب الشتاء اوي وبحب اخرج في الشتاء اوي والجو الساقع ده بحبه وقت الفجريه :)
بحب اشوف المطره وافضل ادعي بحب الكوفيات والايس كاب والبوت
الشتاء والله حلو احنا اللي ظلمينه:)

شاب فقرى يقول...

والله الواحد مش بيعشق اى وقت قد الشتا

على الاقل ليه حل

الواحد يغطس تحت البطانية بيلاقى حل

انما الحر ملوش حل

وكمان البرتقان حلو اوى :$

وكمان اليوسفى


ربنا يعينك فى الدراسة ويقويكى عليها ويقدرك وتنجحى وتجيبى تقدير كمان

صباح الفل

شاب فقرى

غير معرف يقول...

الحبيبة ويلا
اول زيارة عندك وباذن الله تتكرر
جاية اشكرك لزيارتك السابقة ودعواتك ليا
وعلى فكرة انا بحب فصل الشتا قوى
وعلشان كل الاسباب اللى انتى بتكرهيها فيه
تحياتى

Yusuf يقول...

لالا يا ويلا هو في احلي من الشتا

اللبس الشتوي والتكتكة

والمشي تحت المطر

والأهم من ده كله

الشعور بالدفا بالوجود بجوار من نحب


بصراحه انا من عشاق الشتا

بيديني فرصة أكبر للتفكير والكتابة

ويالا شدي حيلك ف الدراسة يا باشمهندسة

ولو عاوزة حاجة ف الدراسة انا موجود


تحياتي

singamaraja يقول...

Reading and visiting your blog

حبات التوت يقول...

ياااااااااااااه

دة انا طلعت بكرة الشتا لوحدى

ياااه كلكم ماشاء الله بتحبوة ووقفين معااه


ماشى ماشى مافيش واحد فيكم جبر بخاطرى وبيكرهوا زى انا

بس بردة بكرهو

هههههههههههههههه

حبات التوت يقول...

همسات على ضوء القمر
على فكرة الاسم الجديد حلو اوى احلى من القديم



والله وانتتى كمان وحشانى اوى واللله

مش عديتى لية ابقى عدى يابنتى

ان شالهة نبقى نتفق يوم نتلاقى فى اجازة نص السنة باه

موااااااااااااه ياعسل

عاشقه الرومانسيه يقول...

الحاجه الوحيده اللى بحبها فى الشتا ريحه المطر على شط البحر
تجننننن

مش بحب الطينه والبهدله وانى اروح الشغل
بابقى عايزه اتدفى وانام

rony يقول...

انا زيك برضه بكره الشتا
واتمنى لو ميجيش لكنه فصل الخير
ورمى البزره والمطر
مضطرين نستحمل تقل دمه
بس انتى زعلانه علشان الشتا جاى
وللا علشان المزاكره والامتحانات
وطبعا هتوحشك القعده على النت
انتى كمان هتوحشينا
ربنا يوفقك

TWEETY يقول...

ازيك ياطانت

يارب تكونى بخير

بصراحة انا بحب الشتا
علشان انا واريج بنلعب
تحت المطرة

------ يقول...

نحن هنااااا

وانت كمااااااان وحشانى جدا جدا

ربنا معاكى ويوفقك

واكيد عايزة اكلمك

انت مش بتفتحى الميل لييه

شاب فقرى يقول...

يالهوى

وانا بقول راحت فين

دا كله غياب وبطلتى تكتبى ليه ؟؟؟؟؟؟؟؟؟؟؟؟؟؟


ترجعى بالسلامة للتدوين :)

ويارب تكونى بخير

شاب فقرى

اقصوصه يقول...

فصل الشتاء من فصولي المفضله:)

Heba يقول...

أنا حاسة انك قرأتى مذكراتى قبل كده,كل الكلام اللى انتى كتباه انا كتبته قبل كدة,مش كله اوى يعنى.ممكن يكون ده توافق افكار؟أخيرا ابتديت احس انى مش مجنونة ده فى حد تانى بيفكر زيى وبيكتب لحد مش هيقرأ كلامه فى يوم ما زيى بردة