الأحد، 6 مارس 2011

نهاية رجل شجاع


نهاية رجل شجاع اكيد ماتقصدش بالجملة دى اى زعيم عربى فاسد هرب او خلع او تنحى عن كرسيه غصب عنه لانهم بعاد عن الشجاعة بعدا تاما ولا حتى يعرفوا ريحتها

انا اقصد بيها مفيد الوحش ...ايون مفيد الوحش

مفيد الوحش اللى قطع ديل الحمار امممممممممممممم مفيد بطل رواية نهاية رجل شجاع ل حنا مينه
رواية تشدك من اول صفحة وتخليك تضحك فى الاول بس ههههههههههه
ماتعرفش لية هوة قطع ديل الحمار المسكين اللى مش عمله حاجة يعنى كانت تقدر تقول كدة نوعا من التمرد او الثورة على الوضع اللى هوة كان فية او للتسلية فقط :)

احلى حاجة انو ماحس بالذنب لانو قطع ديل الحمار ماكنش حاسس انو عمل حاجة غلط او حاجة مايصحش انو يعملها
بالعكس كان حاسس انها حاجة طبيعية

حتى لما مامته بتقولة لية كدة يامفيد
يقولها مش انا السبسس ديل الحمار هوة السبب
تقوله ازاى يعنى يقولها اصله كان طويل وفى اخرة شعر
وانا قلت اقطعة العب بية او اهش بية الدبان
هههههههههههههههههههههههههههه يابن الايه

بجد انا قريت الرواية دى مرتين اولا عشان اسلوب الكاتب الاكثر من رائع اللى يدخل جوة الحكاية وتعيش فيها
تانى حاجة لانى حبيت مفيد الوحش الللى مافيش اطيب منه برى زى الطفل بالرغم من شكل جسمه العملاق بي جواه طفل برى
وابوه ضربه والمختار ضربة ضربة مووووووووووووت وبرضة مش حس انو عمل حاجة غلط مااقتنتعش ان غلطان :)


علقت فى دماغى مفيد اللى قطع ذيل الحمار زى الشعب المصرى لما قطع سكوتة وقال باعلى الشعب يريد اسقاط النظام
واسقطه بعد ماانضرب واتهان ومحاولات اقناع ومفاوضات وبردة اللى فى دماغة فى دماغة

حسيت ان الشعب المصرى زى مفيد الوحش طيب رقيق كريم مافيش اشجع منه شهم ومن بره قوى وعملاق تخاف من شكله بس تحبه وتسترحله

تحياتى الى مفيد الوحش وتحياتى ايضا الى شعبى المصرى اللى مافيش زيه فى العالم



هناك 6 تعليقات:

راء يقول...

:)
اول مرة اسمع بالرواية ديه

شكلها قصة لذيذة اوي
متظبطة ع الواقع الحالي

بس عندي سؤال محيرني في الاخر ايه اللي حصل للحمار يعني؟

حبات التوت يقول...

ههههههههههههههههه
اطمنى الحمار بخير وكويس وعايش بحمد الله

مش حصله حاجة يعنى دة ديلة بس اللى اتقطع ههههههههههه

لا هية القصة مالهاش علاقة بالاحداث اللى حصلت دلوقتى خالص بس هية رواية لذيذة بجد
ابقى اقريها بس لما تخلصى ثانوية عامة ه اوكية

راء يقول...

ليه يعني لسه عايش هه؟ هه؟ هه؟

مش شرط يموت اوي يعني بس مبحبش النهايات السعيدة ^_^

هقرأها بعد ثانوية ..اصل انا واحدة مشغولة بروايات تانية كتير :)

معرفش ليه حاسة ان البلوج بلوجي
وقررت آجي ارخم هنا كتير..احترسي مني

ابراهيم رزق يقول...

نهاية رجل شجاع قصة اتمنى ان اقراها و لكننا نعيش الان نهاية رجل دكتاتور ظالم
تحياتى

حبات التوت يقول...

هههههههههههههههههه
حبيبة قلبى البلوج بلوجك ارغى فية زى مانتى عاوزة

حرام عليكى يابنتى عوزة تموتى الحمار جت علية
انا برضة مش بحب النهايات السعدية لانها بعيدة بعدا تاما عن الواقع

الرواية مش نهاية سعيدة ابدا دى تجيب الشلل البطل رجله هتتقطع وهيموت فى الاخر شايفة سعادة اكتر من كدة ههههههههههههههههه

اه طبعا لازم تقريها بعد الثانوية العامة ياختى الله يعينك وتعرفى تذاكى فى ام البلاوى اللى عملاة تحصل فى البلد دلوقتى
ان شاء الله تحافظى على مجموعك مش كنتى جايبة تقريبا 97% انا كنت براكتللك وقتيها تقريبا

حبات التوت يقول...

ابراهيم رزق
صحيح احنا بنشوف دلوقتى نهاية رجل جبان وحقير وفاسد
وهتكون نهاية الاعدام ان شاء الله