الثلاثاء، 9 أغسطس، 2011

حلو وكداب



ياترى الكذب ممكن يحللنا مشاكلنا يعنى ممكن بيه نهرب منة من اى حاجة ندور بية على اى مخرج

او ممكن الكدب ممكن يحلى حياتنا ويخلي حياتنا اجمل

ممكن لية لا بس شكلنا هيبقى وحش اوى لو الناس عرفت اننا بنكدب عليهم

بس احيانا لازم نكدب يعنى الناس مش بتسلبنا اى طريقة غير اننا نكدب يعنى كانهم بيقولوا لينا اكدبوا

بس برضة مافيش احسن من الصراحة حتى لو كانت هتخسرنا كل حاجة على الاقل هتريحنا نفسيا من جوانا
انا مع انك تقول الصدق حتى لو هتخسر كل حاجة بس دى عاوزة قلب قوى او انك تخليها على الله
اكيد يعنى ربنا خلق الكذب لسبب معين :)

انا مش بحب اللى بيكدبوا ومابحبش الكدب ومش بكدب كتير يعنى بكدب شوية صغيرة هههههههههههه كلنا مش بنحب الكدب بس كلنا بنكدب يعنى على الاقل كدبات صغيرة

الفليم دة Labor Pains بتشوف فية البطلة انها بتنقذ حياتها بالكدبة اللى كدبتها عرفت بالكدبة دى تحافظ على شغلها واترقت وبقت حياتها اسهل
واحسن
بس لما انكشف كدبها طبعا خسرت كل دة بس رجعت كسبتة تانى !!!!!!!!! مهو فليم باه لازم يتنهى نهاية سعيدة :))

هناك 6 تعليقات:

طالبة مقهورة ..درجة أولى يقول...

مبدئيا انا بحب بينوكيو :)
وطول عمري عندي ايمان ان مناخيري بتطول زيه لما بكذب وبيبان عليا اوي

بس تعرفي برضه ساعات الواحد مش بيكون احسن يعرف الحقيقة..ساعات الجهل فعلا بيكون نعمة
بيوفر علينا كم ألم كبير وجرح أكبر

اكيد الكدب مخلوق عشان سبب برضه

وعندك مثلا الدكتور لما يقول لمريض عنده انت قدامك 3 سنين ف حين انه قدامه 3 شهور..مهو ده كدب بس ممكن يديله امل انه يتحسن
عشان كده انا مبحبش الدكاترة وعشان كده دخلت هندسة..عشان بيبان عليا :))

ملحوظة: انا بعتلك فريند ريكويست ومسج ع الفيس توك توك عشان متستغربيش ;)

نهر الحب يقول...

ويلا
مساءك جميل اولا

ثانيا
مممممم
اللي يقول انه مش بيكذب كذاب علي فكرة

بس ساعات الواحد بيكذب ومش واخد باله
:))
بس انا مش بحب الناس للي بتقعد تعمل فيلم وتألف كذبة كبيرة وكله بيتعرف في الاخر

عارفة انا مش بعرف اكذب خالص
وبيبان عليا اي حاجة جدا عشان كدة تلاقيني بعترف من اول قلم علي طول
:))
لا والله مبعرفش اكذب وديما بقول لا حقول الرصاحة واللي يحصل يحصل بقي بحب اقول اللي جوايا واللي حاسة بيه من غير ما اكذب واداري بجد مفيش احلي من كدة وديما بحس اني مرتاحة من جوايا لما بقول الحق في وش الناس مش بقلة ذوق ولا حاجة بالعكس بطريقة شيك وممكن بنرفزة وعصبية بس الناس فهموا خلاص اني مبعرفش اخبي وابقي بوشين قدام حد فبقوا يفهموني ويقدروا اني كنت ممكن اقول نفس الكلام من وراهم وقدامهم اكون كذابة بوش تاني

:))
بلاش كذب يا ريت عشان دي اكتر صفة بكرها في اي انسان وبصراحة لما بعرف ان حد كذب عليا ببقي مش عايزة اعرفه تاني

blue-wave يقول...

هو الفيلم حلو
لكن انا بكرة الكذب جدااااااااا

wella يقول...

صح ياعسل معاكى حق اكيد الكذب مخلوق لسبب :)
بيبقى لو استخدمناه صح بيقى نعمة

دة انتى نورتى الفيس عندى ياعسل

wella يقول...

نهر الحب مسائك سكر وعنبر ومسك :)

وانا كمان اى حد بيكدب بينزل على طول من نظرى
وبيصعب علية الناس اللى بتعد تالف كذبة كبيرة وفليم وفى الاخر كلة بيبقى على فاشوش كلة بيبان حتى لو بعد زمن طويل

wella يقول...

blue-wave
الفليم ظريف فعلا

والكذب كمان بيكرهك :) مش انتة بتكرهة اكيد هوة بيكرهك
بابا ديما يقولى كدة لو بتحبى الحاجة هتحبك ولو بتكرهيها هتكرهك :)