من احلى الشهور اللى بحبها شهر فبراير شهر 2
معرفش بحبة لية طول عمرى بحبة كدة من غير سبب بحس كدة انو شهر جميل لطيف لذيذ :)... شهر فى دفئ رغم البرد اللى فية
يمكن عشان فية عيد الحب بحس انو كدة شهر لونة احمر :) شهر الجو بيبقى فية سقعة شتاء
او يمكن عشان هخلص من حمل كبيير اوى كان كابس على قلبى بقالة سنة واخيرا هيخلص بعد 20 يوم من دلوقتى :)
او يمكن عشان فليم sweet november :)
معرفش بحبه لية المهم بحبة كدة لله فى الله :) :)
مع ان اول يوم فية كان يوم غبى وعيطت فية وكان يوم |(حلو فى وحش) بس برضة متفائلة انو هيبقى شهر حلو
شهر بدء فى اول ايامة بي جو شتوى رائع مطر وبرد ورعد ...مطر يعنى خير يعنى دعاء مستجاب يعنى امنيات تتحقق
فى المدونات بيقولوا انو نكتب كل يوم فى شهر فبراير معرفش لية :) بس بما انى مش مشهورة ولا معروفة فى العالم الكبير دة فاحاول انى اكتب فى كل يوم :) اهو اشمعنا هما وانا لا
هناك 3 تعليقات:
يا عزيزتي ويلا
عايز اقولك انى حاولت اربط بين كل الحاجات اللى بتحبيها وبتقوليها بسبب عقلاني فشلت تماما :D
علي رأي عادل إمام لما كان بيقول ( الموضوع بقى سيكلم سيكلم خالص )
الشىء الوحيد اللى يربط بين فبراير وبين سويت نوفمبر وبين المطر والشتا و الايام الغريبة الحلوة والوحشة والدموع واللون الاحمر وعيد الحب والكتابة والسقعة واللى هيحصل بعد عشرين يوم
هوا إنتي :)
منورة الحياة يا عزيزتي
إستمري فى عشق الأشياء بدون سبب
وإستمري فى الكتابة
والحياة
:)
بس كدهون يعني
وسيبي سويت نوفمبر فى حاله :D
تحياتي
كريم
الفقري الكبير :D
هههههههههههههه
ياعم خلينا غامضين اشمعنا انتة اللى بتبقى غامض فى بوستاتك الله :)
هوة عشان اول مرة اشوف فليم سويت نوفبير فى شهر فبراير فدائما بحس ان الفليم دة المفروض يسموه سويت فبراير :) مش سويت نوفبر
فاالفليم حببنى فى شهر فبراير عشان شفتة فى شهر فبراير مش حببنى فى شهر نوفمبر ههههههههه حد فهم حاجة
ربنا يجعل كل ايامك سعادة في سعادة .
حب في حب . ضحك وابتسامة تملى حياتك .
ربنا يجعل شهورك كلها زي شهر فبراير بالفكرة والرؤية اللي ليكي في شهر فبراير .
ربنا ينجحك ويوفقك . وانتي مشهورة بس تواضع منك مش اكتر .
تشكراتي ودعواتي . لكي كامل احترامي وتقديري .
إرسال تعليق