السبت، 14 سبتمبر، 2013

ياعاقد الحاجبيبن


فى اغانى وافلام كنا بنشوفها واحنا صغيرين ومكناش بنفهما اصلا بس بتعلق فى ذاكرتنا وبتعلم معانا  ...احنا مش بنكون ناضجين ولا بوعينا الكامل عشان نفهم اصلا   بس فى حاجات منها بتبقى فى الروح والذاكرة
بالنسبة ليا اغانى فيروز الاندلسية ماكنتش بفهم منها حاجة بس كانت بتشدنى ... منها ياعاقد الحاجبين  دى اكتر اغنية كانت معلمة معايا
معرفش لية :) ....كنت بتخيل عليها فليم اصلا  كنت بتخيل ان فيروز بتغنى للمثل جمال سليمان  السورى  الراجل دة كنت بحبة اوى وانا صغيرة كان معلم معايا اوى كنت بحبة من مسلسل  اسمة الفصول الاربعة ...المهم ماعلينا كنت بتخيل ان فيروز بتغنيلوا الاغنية   كنت بعمل فيدو كليب  فى دماغى 
والله انا يجى منى شوية انا مخرجة :) 
بس لما كبرت وبقيت افهم نوعا ما يعنى احم احم  ...حبيبت اوى الاغنية دى  كلماتها فى منتهى الجمال الله الله الله  بجد مااقدرش اقول غير الله غير على حاجة بالروعة دى

دى القصيدة كاملة   كتبها بشارة الخوري الملقب بالأخطل الصغير


يــا عاقــد الحاجبيـن    على الجبيـن اللجيـن
إن كنت تقصد قتلي     قتـلتـنــي مـرتـيــــن
مـاذا يريبـك مـنـــي     ومــا هممـت بشيـن
أصُفرةٌ في جبيـنـي     أم رعشة في اليدين
تَمــر قــفــز غـــزالٍ     بيـن الرصيـف وبينـي
وما نصبت شـباكـي    ولا أذنـت لعــيـنــــي
تـبـدو كـأن لا ترانـي    ومـلء عـيـنك عـيني
ومثـل فعلك فـعلــي    ويلـي مـن الأحمقين
مولاي لم تبق منـي    حيـاً سـوى رمـقـيـن
صبـرت حتـى برانـي    وجدي وقرب حيـنـي
ستحرم الشعر مني    وليس هذا بهـــيـــن
أخـاف تدعو القوافي    عليك في المشرقين



هناك تعليق واحد:

Nelly Aly يقول...

أولا أنا سعيداً جدا بمدونتك وبإسمها وبشم فيها ريحة التوت ..وريحة الفاكهة كلها.

ثانيا: صحيح مكنش بنفهم ..بس في نفس الوقت اللي بيعلق معانا هو الصادق في إحساسيها ..زي فيروز كمية مشاعر لا تنتهي وبالتالي مش بننسي وبتكبر معانا وبيكون فضلنا بس أننا نفهم.

أما الكليب ده..خيال الأطفال الواسع اللي بحسدهم عليه بصراحة.

نيللي علي