الخميس، 5 سبتمبر، 2013

لازلت كما انا

الكلمتين اللى فى الصورة دى اختصروا كلام كتير عوزة اقولة  
لازلت احبك ولكنى تغيرت كثيرا 
لازلت احبك ولكنى نضجت كثيرا 
لازلت احبك ولكنى فهمت كثيرا 
لازلت احبك واخشى اننى لازلت احيك 
لازلت احبك 

فى اغنية كلماتها بجد لما تسمعها تحس انها طالعة من جوة جوة اوى  تحس انها معمولة عشان توجع روحك
يامن هواه اعزة واذلنى بالهوى باهوى على كلماتها ..بسمعها بحس  مش عارفة بحس بااية  بس انا روحى بتحبها


يامن هواه اعزه واذلني
كيف السبيل الى وصالك دلني

أنت الذي حلفتني وحلفت لي
وحلفت إنك لا تخون فخنتني

و حلفت إنك لا تميل مع الهوي
أين اليمين وأين ماعاهدتني

وتركتني حيران صبّا هائما
أرعى النجوم وأنت في نوم هني

عاهدتني ألا تميل عن الهوى
وحلفت لي يا غصن ألا تنثني

هبّ النسيم ومال غصن مثله
أين الزمان وأين ما عاهدتني

جاد الزمان وأنت ما واصلتني
يا باخلاَ بالوصل أنت قتلتني

واصلتني حتى ملكت حشاشتي
ورجعت من بعد الوصال هجرتني

لما ملكت قياد سري بالهوى
وعلمت أني عاشق لك خنتني

ولأقعدن على الطريق فأشتكي
فأقول مظلوم وأنت ظلمتني

ولأشكينك عند سلطان الهوى
ليعذبنك مثل ما عذبتني

ولأدعين عليك في جنح الدجى
فعساك تبلى مثل ما أبليتني



...............................

حتى الحزن له متعة وله مذاق  احلى واطعم من الفرح
القهوة ليس لها مذاق بالسكر  ...وكذاك بعض اوقات الحياه مع اننا نكره الحياه بدون سكر  لكن اللحظات التى بدون سكر هى التى نكتشف فيها اننا على قيد الحياة

>>>>>>>.>>>>>>>>>>>

انا حاسة انى زى اللى عمل حادثة بعربية  اليوم الاول مش بيكون حاسس بحاجة بيكون مصدوم مش فاهم هوة فى اية  اية اللى حصل   
تانى يوم بيحس بوجع رهيب فى روحة  وجع جة من لاشئ ...وجع يهد الروح
تالت يوم يعقد يفكر ويحاول يفهم اية الى حصلة يحاول يشوف الموقف من بعيد  يااما يفهم بجد اية اللى حصلة او يحصلة غباء ويتعمى 
وفى كلتا الحالتين هتصعب علية نفسة ويعقد يعيط  
>>>>>>>>>>>>>>>>>>>>>>>>>>>>>>>>>>>
اكتشفت انى مافقدتش القدرة على البكاء والعياط والشحتفة زى ماكنت فاكرة    ...لا دة انا  طلعت بعرف اعيط اوى 
واكتشفت كمان انى فية حاجة غريبة فى اول الصدمة بضحك ماعرفش انا بضحك لية  لا بضحك اوى  لدرجة انى بحس انى هبلة ازاى انا بضحك دلوقتى ازاى  اية اللى يضحك فى الموقف  واقعد اضحك لحد مااعيط  
>>>>>>>>>>>>>>>>>>>>>>>>>>>>>>>>

كيف السبيل الى الهدوء النفسى ...كيف السبيل الى انى اخد وقتى فى الزعل  ....حتى ابسط حقوقى انى اخد وقتى الزعل مش عارفة اخدها ..مطلوب منى انى اضحك ضحكتى الصفراء البلهاء
دة يعتبر قتل بالبطئ ..قتل للروح 
>>>>>>>>>>>>>>>>>>>...
انا اكتشفت انى عندى قدرة هائلة  للتسامح  والتفهم !!!!!!!!!!
 معرفش باه هل انا بسامح فعلا ولا بخزن جوايا وفى وقت من الاوقات هتعب ومش هقدر استحمل  وهطلع كل اللى جوايا ..معرفش  بجد ماعرفش 

بس كل اللى انا حساه ان مافيش حاجة فى قلبى شيلاها ودة فى حد ذاتة مديقنى

هناك 4 تعليقات:

Timo.. يقول...

"يامن هواه اعزه واذلني
كيف السبيل الى وصالك دلني"

حقا..
لازلت كما انت ويلا..
رائعة.

:)

Timo.. يقول...

حقا.. رائعا طعم التوت :)

Nelly Aly يقول...

في حد يزعل أن قلبه أبيض ومش بشيل..يا بنتي دي نعمة, عدم المسامحة دي عامل زي الشيله التقيله اللي بتأديكي قبل أي حد!!

أما الحزن أراه سمة من سمات الحياة ولكن الأهم أننا نتعلم منه والأهم أننا لا نحترفه ..توازن!!

أما الحب فهو حكاية لا تنتهي!!

نيللي علي
مدونة عطر الأحباب

منى يقول...

من منا لم يتمنى الفوز بوظيفة احلامه ولكن لم يكون لدينا الطريق الواضح لعمل ذلك، اذا كان هذا هوا الوضع فأستطيع القول لك بأن نموذج cover letter بالعربي
هى الخطوة الاولى فى الطريق الصحيح