الجمعة، 25 سبتمبر 2009

انا وبلكونتى










كعادتى عندما يتملكنى الملل من غرفتى اذهب الى بلكونتى


اقف فى البلكونة انظر الى شوارع حارتنا كم هى خاوية ...خالية


اتنهد تنهيدة طويله واسند يدى الى سور البلكونة وانظر الى الشوارع التى يغرينى منظرها وهى خاليه


فطبيعى ان تكون خاليه فالساعة الان الثانية صباحا


ولكن المنظر يغيرنى الليل المثير مع نسمات الليل اللاسعة


فااتخيل نفسى امشى وافرد كلتا يدى فى الهواء وخصلات شعرى تطاير من مداعبة نسمات الهواء لها


اااااااااااااااااااااااااااااااااااه كم اتمنى ان اجول هذة الشووارع ليلا ....اتجول بها بحريتى لايرانى احدا الا الذى خلقنى

يغطينى سواد الليل وينور هذا القمر طريقى


نعم اتخيل واتمنى فقط لاغير

تخيل انت ان ترى فتاه تتجول فى الشوارع ليلا وحيدة مالذى سيدور فى راسك حينما تراها؟؟!!


فاانا احسد الرجال فى شى واحد فقط وهو انهم يتمتعون بحرية التجوال فى اى وقت فلا شى يمنعهم فليس لديهم مايخافون عليه فهم كافلون بحمايه انفسهم


اتنهد تنهيدة اخرى ولكنها اعمق من التنهيدة الاولى وانظر الى السماء...وادعوا الله فى سرى بمليون دعاء وامنية


اقرر ان استمع الى اغنية فى هذا الوقت الساحر اختار اغنية انغام فى يوم وليله وتاخذنى معها بصوتها الشجى الى عالم اخر كم احب هذة الاغنية وكم استمع اليها كثيرا



لااجد شى محدد افكر به ففى راسى مليون فكره وفكره وفى قلبى الاف الامانى


اتعب من كتر وقوفى او بالاحرى من كثرة افكارى التى لااستطيع ان احدد شى منها فكرة واحدة كى افكر بها منفردة


ومع نهاية الاغنية..... اقرر ان اعود الى غرفتى....فليس لى غيرها فى النهاية




هناك 15 تعليقًا:

Yusuf يقول...

ايه ده ياباشمهندسة

حسدونفسنة ع الرجال كده عيني عينك

بس عموما

تدوينة جميلة

Unknown يقول...

:)
لما كنت قدك ..
كان نفسي انزل الشارع الساعة 3 الصبح
عشان اروح اقعد على البحر :)
و كان نفسي في حاجات كتير اوي :)
انا كنت نسيت الحاجات دي ..
بس افتكرتها لما قريتها عندك هنا ..
:)
كنت في هندسة برضه :)

Hadota ... حدوتة يقول...

عارفة الاحساس دا

انا زيك برده بتمنى لو اعرف اروح امشي فى حتة بعييييييدة مفيهاش ناس وتكون الدنيا سقعة والهوا جامد :D

وانا لابسة هدوم تقيلة .. وماشية ومش حسة بالسقعة لانى دماغى فيها اللى مكفيها
:D

شويه والدنيا تمطر وانا ميهمنيش برده
:)

عادى بقى .. بغمض عنيا .. وبعيش فى خيالى اللى نفسي فيه
:)

مش احسن ما الواحد يطق يموت :)

قوللى بقى بتحبى فى يوم وليلة ؟؟

هايلة بجد .. بس دى بتاعت وردة .. مش انغام .. ممكن تكون انغام غنتها تفاريح كده .. بس اسمعيها من وردة .. مش دى اللى بتقول فيها دقنا حلاوة الحب فى يوووم وليلة
:D


لو طلعت واحدة تانية خير برده .. كله شغال

:)


تحياتى يا جميل

بوست حلو

Eslam Eldosoky يقول...

السلام عليكم ورحمة الله وبركاته
أزيك يا بشمهندزة
هو فيه أيه بالظبط
ليه النفسنه دي على الرجاله D:

.......................

شوية جد
كلماتك دافئة وشعورك يحمل برائة الحب

غير معرف يقول...

يا ترى البلكونة اللي انت كنت واقفه فيها بتطل على الشارع ولا عليكي ؟

أسلوبك جميل بجد معبر قوي ودافي

ما قلتليش بقى شغلتي أغنية إيه ؟
تقبلي مروري
تحياتي

راء يقول...

احساس عالي اووووووووي

معرفش ليه دايما البلكونة ملجأ لناس كتير اوي وقت ما يكون القمر بدر والجو برد ف عز الشتا اعتقد ان نسمات الهوا بتخفف كتير وبتمسح افكار شغلانا او بتولد افكار تانية عشان تشغلنا بدل اللي نسيناها...

تعبيرك جميل يا قمر

تسلم ايديكي

حبات التوت يقول...

يوسف

هوة مش حسد وبس هوة حسد وعيرة وقهر

بس مهما حسدنا فيكم مش بيبان عليكوا اى اثر للحسد

ياحظكم

حبات التوت يقول...

شيماء
منورانى ياعسل

الحال من بعضه طلع

:)

تسلمى ياعسل

حبات التوت يقول...

حدوتة

اها معاكى حق اقف فى البلكونة بدل ماطق واموت

بخصوص الاغنية هية بتاعه وردة بس انغام كانت غنتها على رايك تفاريح كدة

بس انا بحبها اوى من انغام

وباحبيبى كنت واحشنى من غير مااشوفك وتشوفنى

نورتينى ياعسل

حبات التوت يقول...

اسلام

لا ياشيخ من قال فى نفسنه بس

ده حقد بعيد عندك هههههههههههه:)

تسلم يارب

حبات التوت يقول...

انا كدة

حلوة دى البلكونة بتطل على الشارع ولا عليكى
:)

امممممممممممممم بتطل عليه شكلها كدة

نورتنتى ياعسل

حبات التوت يقول...

just smile

اها البلكون منفس وهروبة الناس بتهرب فيها من مشاكلها او حتى تتنفس شوية هوى

نورتينى ياعسل

أميرة علي كوكب مهجور يقول...

انا كمان بحب اقف في البلكونة اوي خصوصا وقت الفجر واتفرج النجوم و افضل ادور ع اكتر واحدة بتلمع بيقولوا انها نجمة الحظ:)و دايما بكون مشغله فيروز


حلو احساس الوحده في الوقت ده بحسه مختلف جميل محتاجه اكون لوجدي بجد محتاجه اتامل بهدوء اتذوق لاشياء من منظور جديد

يااااااااه فكرتيني بحاجات كتير :)

حبات التوت يقول...

اميرة
نورتينى ياجميل

وانا برضة اغلب الاوقات بكون مشغاه فيروز بموووت فى الست دى
تسلمى ياعسل

Heba يقول...

ana kaman ba3mel keda dayman