الخميس، 3 ديسمبر 2009

طز فيك ياحبيبى









حبيب قلبى
ياحياتى ياعمرى ياحبيبة قلبى انتة
ظز فيك
ومش طز واحدة بس لا دة مليون طز فيك
طز فيك وفى حبك
اوعى تكون زعلت ياحبيبى انا بجد بقولك طز من جوة قلبى
مش بقولها مرة واحدة بس بقولهاللك مليون مرة
وبصوت عالى بقوللك ياحبيبى طز فيك مرة تانية وتالتة ورابعة الى اخر الزمان بقوللك طز
مش طز فيك لوحدك وانا كمان طز فية
طز فية وفى احلامى وحبى ليك طز فية
طز فية لانى كنت هبلة وعبيطة لما حبيتك

قال حب قال طز فيك وفية وفى الحب نفسة كمان
عارف ياحبيبى ياللى مش حبيبى واللى عمرك


ماكنت حبيبى عارف انا عوزة اعمل اية دلوقتى
نفسى شدك من شعرك واضربك قلمين على

وشك قلمين بس لا مليووون قلم


نفسى اطلع فوق سطح بتنا واقول باعلى حسى طز فيك ياحبيبى
ياه بجد حسيت براحة لما قولتها
بس برضة لسة زعلانة

اعمل اية فيك ياحبيبى بعد ماشتمتك وضربتك

يمكن اشفى غليلي لما اقتللك

اشرب من دمك

اموتك ادبحك واقطعك حتت وارميك لاكلاب السكك

بس حرام هتصعب علية

كدة لما اقتللك وادبحك واموتك واقطعك حتت وارميك لاكلاب السكك
كدة مش مش هشوفك ابدا
وانا مش هقدر مش اشوفك مش هقدر مش اشوف عينيك اصللك برغم انى بكرهك ونفسى اشدلك شعرك واموتك
بتوحشنى!!


مش عارفة مش اخترعوا دوا ينسوا الواحد لية
اعمل اية ياحبيبى فيك
شوف من الاخر ياحبيبى انتة طز فيك وفية
طز فية وفى الهبل الى انا بكتبة دة
اية الللى انا بكتبة دة
بس برضة مليون الف طز فيك ياحيبيبى يللى مش حبيبى
اعذورنى ياجامعة لما يرجعلى عقلى بالكامل هرجع اكتبلكوا



انا راح منى كمان حاجه كبيره
اكبر من انى اجيب لها سيره
قلبى بيزغزغ روحه بروحه
علشان يمسح منه التكشيره
ادعوله ينسى بقى ويضحك

هناك 15 تعليقًا:

ستيتة يقول...

اولا صغري الخط علشان مش عارفة اعد هم كام طظ لأن الخط داخل في بعضه

ثانيا قصة انك تشديه من شعره وتاخديه قلمين .. مش وسعت دي منك شوية؟ ليه كنتي بتحبي سوسن؟

تقتليه؟
هو فيه راجل يستاهل تروحي فيه سجن القناطر؟ نو ابسلوتلي دول دلوقت ع البطاقة التموينية

المصيبة السودة بقى اللي احب اقولها لك
مش هشوفك ابدا وانا مش هقدر مش اشوفك مش هقدر مش اشوف عينيك اصللك برغم انى بكرهك ونفسى اشدلك شعرك واموتك بتوحشنى!!
-----------------------------
الكلمتين دول بعد كل السفك الدموي اللي فوق دول افسرهم ازاي؟
ها تضحكي علينا الرجالة وهم بيضحكوا فعليا وها يقولوا ست وعقلها طاقق


كل ده انا طبعا بحاول اضحكك
بس لو هو ها يشوف البوست ده والشخص ده يفرق معاكي شيلي البوست قبل ما يشوفه

لو ها يشوفه وهو فعل خرج خالص من قلبك يبقى ألف طظ فوق الكام وعشرين وتلاتين اللي انتي حاطاهم


لو بقى مش ها يشوفه ده ها يوضح كم الضرب والسحل اللي انتي حاطاه وانتي امنة مطمئنة :)


روقي يا جميلة وصلي ع النبي
وتذكري دائما

لا يوجد رجل لا يمكن تعويضه
ولا يوجد امرأة لا يمكن الإستغناء عنها
ذهب زمن الكوامل والأنبياء
وبعد شهر واحد ها تحبي
ويمكن حب احلى واغلى كمان

تحياتي وسامحي تهييسي انا بس كنت عاوزاك تفرجيها شوية واشوف سنانك اللولي

شاب فقرى يقول...

والله نفسى اعلق اوى

بس تعبان لدرجة لا يمكن تصورها

ساعود بعد الفاصل


غدا نرد

انا قريت تعليقك

وليه تعليق كبير اوى اوى اوى عليه

بس بكره

لان الصورة موضحتش ليكى

تحياتى

شاب فقرى
كريم

أميرة علي كوكب مهجور يقول...

خمسين الف طز
احبيه كما لا تحب امراءه وانسي كما ينسي الرجال
اللي زي دول يتنسوا وبس بلاش وجع قلب ودماغ


يارب تكوني بخير عيزاكي تكون احسن:)

محمد قاسم يقول...
أزال المؤلف هذا التعليق.
محمد قاسم يقول...
أزال المؤلف هذا التعليق.
محمد قاسم يقول...
أزال المؤلف هذا التعليق.
حبات التوت يقول...

اوووووووووووف

شفتى الهبل اللى انا فية رديت على التعليقات بمدونة اخويا محمد

بعدين رجعت حذفتهم ههههههههههههههه

حبات التوت يقول...

خالتو واحشانى والله
يمكن النهاردة اخر يوم هعد على النت فية عشان بعد كدة ماما هتشيل النت عشان المذكرة
ابقى ادعيلى ياخالتوا


لا يوجد رجل لا يمكن تعويضه
ولا يوجد امرأة لا يمكن الإستغناء عنها
ذهب زمن الكوامل والأنبياء
وبعد شهر واحد ها تحبي
ويمكن حب احلى واغلى كمان


حلوة اوى الجملة دى عجبتنى

تصدقى بالله مش عارفة اذا كان يفرق معايا ولا لا بجد انا مشاعرى متخبطة ودخلها فى بعضها

طز برضة

هههههههههههههه

مووووووووواااااااااااه بحبك خالص ياخالتوا هتوحشينى

حبات التوت يقول...

شاب فقرى

بجد بجد مستنية تعليقك انتة بالذات

حبات التوت يقول...

اميرة حبيبة قلبى

مليون طز كمان يلا بالمرة

بلا دوشة

Cute Kitty **sookra يقول...

اولا شكرا لزيارتك ويارب تنفذى كلامك وتيجى عندنا هتلاقى حاجات حلوه كتير
هريسه وبسبوسه وبسيمه وام على وابو على وجد على وخال على
كل قرايب على يعنى هيبقوا عندى
هههههههههههه
اقولك مليار طظ ياختشى ولايهمك

blue-wave يقول...

هههههههههههههههههه
ايه كمية الطظات دى كلها؟:))
دا الواد ياعينى اتشحور خالص:))

sweet angel يقول...

أنا علقت قبل كده
فين التعليق بتاعي
يلا أكتبه تاني
ميضرش

sweet angel يقول...

يا حبيبتي انتي مزعله نفسك ليه
ومني أنا 100 مليون طز فيه
يا حبيبتي مفيش حد يستاهل
وصدقيني ربنا هيعوضك خير وهتشوفي

بالتوفيق

شاب فقرى يقول...

صدقينى

كلام الدكتورة ستيته جاى فى محله

لا يوجد رجل لا يمكن تعويضه

فحاولى تنسى ودوسى عالذكريات

ربنا خلق الانسان بالقوة الكافية انه يعيش

قوة النسيان

قوة الحياة

مش هقولك حاولى
لكن هقولك اعملى
يعنى مش هتحاولى
انتى هتنفذى على طول

لازم تعيشى وتكملى

وفعلا فى طققان عقلى

انتى بتحبيه وصعبان عليكى

بس تذكرى دائما
الرجل اللى يقدر يقسى عليكى يوم
يقدر يستغنى عنك للابد
ويقدر يمحيكى من حياته فى لحظة

طز فيه

وكملى مشوارك من غيره

بكره ربنا يكرمك باللى احسن منه

خالص تحياتى واحتراماتى :)

معلش الرد جه متاخر

بس غصب عنى

وكان لازم ارد

:)

ولو فى اى حاجة او نصيحة انا تحت امرك ويشرفنى اقولك رايى

شاب فقرى