انا.....

انا خايفة ....خايفة

الدوامة

امشى فى السكة اشوف نفسى كدة حلوة وروحى عجبانى:)
واتمنى اقبالة ولو صدفة ويشوف تسرحتى وفستانى
واكلم نفسى يمكن شافنى وعنية مش عرفانى

وبدئنا

الدراسة بدئت
مش هعد ائفئف واشتم واقول مش عاوزة واعيط

لالالالالالالا مش هعمل كدة خالص
ابدا
اهى اهى اهى اهى يارب انتة اللى عالم

بس عوزة اقول حاجة بس

الدراسة ليها فائدتان بالنسبة لية ياجماعة لازم اقولهم عشان مش ابقى ناكرة للجميل
اول حاجة

النوم بعمق والاستمتاع بالنوم
النوم ايام المذكرة ليه طعم تانى خالص لية متعة بحس بيها
طبعا اللى يعرفنى كويس يعرف انى بستخسر انام ايام الاجازة
اه والله مش بحب انام ايام الاجازة بحب افضل صاحية كدة استمتع بكل دقيقة فيها
وحتى لو نمت النوم مش بيبقى لية طعم


تانى حاجة
اشرب نسكافية بالبن
ااااااااااااااااااااه على المتعة
بشربه عشان امخمخ
ممكن اشرب عشرين كباية مش مشكله اهو كله تضيع وقت
بس بحب اشربة ايام المذكرة برضة بيبقى لية طعم تانى احلى
وطبعا مهما شربت منه عمرى مااسهر لما بنام بنام ولا ياثر فية لا بن ولا عمو نسكافية بلحمة ودمة
اشربة من هنا وانام من هنا تقول دة فية منوم ياجدعان

ماعلينا هما دول الحاجتين اللى بحبهم ايام الدراسة
والايام الجاية محتاجة اشرب نسكافية واسمع معاه اختنا الست فيروز عشان اعقد اركز مع نفسى فى كذا حاجة كنت مئجله التفكير فيها

سنةبيضة وحلوة علينا جميعا

خايفة

لدى امر اردي ان اطلعك عليه
اعرف انة خبر غريب عليك وانك لم تكن تتوقعة ابدا ان اقوله لك

لكنى سئمت او تعبت
لم اعد استطيع كتمانة اريد ان اقوله لعل وعسى ان استريح
ويخف الحمل على قلبى واستطيع التنفس بحرية اكثر
لاننى احس اانى اختنق

نعم اختنق لقد جعلنى هذا الاحساس اشعر كاننى مدمنة متعلقة بسيجارتى احرقها وهى الاخرى تحرقنى

لاتقلق لن اقول للك اننى لااحبك
بالعكس تماما انا اعشقك متمسكة بك كسجارتى المتمسكة بها
لااعلم صراحة انا التى متمسكة بها ام هى المتمسكة بى

الموضوع بسيط لاتقلق لا يحتاج كل هذا القلق منك

فانا خائفة ....نعم خائفة
لا ليست هذة الكلمة الصحيحة لوصف احساسى

انا لااشعر بالامان نعم انا خائفة
نعم ينقصنى الامان
اعتقد ان ابسط شى يمكن ان احصل علية هوة بعض الامان
ابسط شى يمكن ان تقدمة لى ...ابسط شى يمكن ان يقدمة الحبيب هو الامان
ارجوك لااريد ان تختفى فجاءة من امامى ارجوك لاتتصرف كسجارتى التى تختفى من بين يدى مرة واحدة من دون انذار
لعلها تعطينى انذار وانا لااراه من دخانها الذى يعمى عيناى

اريد ان اشعر بالامان معك
فالحب من غير الشعور باللامان لاشى........ لا يصبح حبا
يصبح ادمانا تحبة وتريد التخلص منه فى نفس الوقت خوفا منه

اريد ان ان اقول لك ....انا احبك وانا واثقة انك لن تتركنى
اريد ان ..ابتسم للك ابتسامة لااخاف منها
اريد ان اشعر بدفى حبك دون ان اخاف منة

اريد ان احبك بلا خوف
اجعلنى احبك بلا خوف ...ارجوك

اااااااااااااااااااااااااااااااااه
اتعرف استطيع الان ان ارتاح قليلا بعد ان قلت لك مايؤرقنى

شوية حاجات كدة

الكلمة المعتادة اللى بقولها ديما يااااااااااه من زمان مش كتبت فى مدونتى
مش عارفة لية (كل دة بقولة ديما مش جديد يعنى)
بس يمكن مش كتبت عشان انا الايام اللى فاتت كنت برغى جدا مع كل الناس
وعندى حالة سعادة عبيطة كدة معرفش لية

يعنى تلاقينى كنت راسمة ابتسامة على وشى من غير سبب
يلا الحمد الله سبحان الله والله الانسان دة غريب مش عاجبة حالة لامبسوط ولا مدايق


حصلتلى كام حاجة كدة فى الاسابيع اللى فاتوا

اولها انى عملت عملية ليزك يعنى ودعت النضارة لللابد
اللى الابد
ماكنتش خايفة انى اعملها عادى
ومش خوفت نفسى
عادى دخلت العملية عشر دقايق وطلعت
بس بينى وبنكم كنت متنشنة فى اوضة المليات اوى وقت العملية وانا بعملها خفت بس مش كتير نص نص

بس اية باه بعد العملية متعة مش اوقوللك باه

متعة انك تشوف الحاجة من غير نضارة طبعا اللى مجاربين النضارة عارفين الام والمعانة اللى بيستحملها اللى بيلبس النضارة

اصلى انا من غير النضارة كنت عامية مش بشوف حاجة (هوة نظرى مش ضعيف اوى كدة )بس كنت مش بسمع ولا بشوف ولا بفعهم حاجة وانا قالعة النضارة مش تفهم السمع والفهم اية علاقتهم بالقعان النضارة بس اهوة دة اللى بيحصل
ماعلينا
متعة انى اقوم من النوم وابص فى الساعة واشوفها
اصلى بعيد عنك كنت لازم البس النضارة عشان اشوف الساعة (الله الساعة هية اللى بعيدة اعملها اية)

وحلى متعة باه هية انى البس نضارة نظر ياحلولى ياحلوى واشوف بيها كمان ههههههههههه

دة انا نت محرومة ياجدعان ههههههههههههه
بس الحمد الله الحمد الله والشكر على تقدم العلم للدرجة دى ههههههههههههه عشان العمى اللى زينا
الحمد الله

ومن يومين كدة طلعت كل نضارتى
كانو سبع نضارات 3 منهم مكسورين
واربعة سلام وعايشين
يااااااااااااااااااه روحت اديتهم لماما وقلت اتبرع بيهم راح بابا اخد واحدة وماما واحدة وقالوا هيعملوهم قراية
واخويا استلوى على اتنين
يلا الاقربون اولى بالمعروف هههههههههههههه

تانى حاجة انى تميت عنر 21 سنة
اااااااااااه يعنى كبرت سنة عن العشرين
مش عارفة شعور مش لطيف ان الواحد بيكبر
ماعلينا ادى الايام بتعدى والواحد بيكبر يلا خير

وتالت حاجة باه
انى نجحت ياجدعان ياهوووووووووووووووووووووووووو
بصراحة احساس حلو انك تنجح وتعدى كدة صافى مش شايل مادة
صحيح طلع عين ابويا فى المذكرة وشعرى وقف من كتر الدح
بس الحمد الله ربنا مش كسفنى ومش ضيع تعبى ويارب احافظ على مستوايا كدة

دة انا جايبة جيد مرتفع مش اى حاجة
اية مرتفع دى مش تسءلونى بس عشان ارفع من نفسيتى شوية هههههههههههههه


بس دى اهم الاحداث اللى حصلتللى الايام اللى فاتت
كل ماافكر انى اكتب البوست دة النور يتقطع معرفش لية
والتلات ايام اللى فاتو كانت الكهربا بتقطع كتير اوى اوى ونعد فى الضلمة والحر والحر اااااااه من الحر

ورمضان جة علينا وكل سنة وانتوا طيبن وينعاد عليكم بالخير يارب

النهاية السعيدة

من احلى وامتع الافلام اللى ممكن تشوفها فى حياتك

فليم كدة يخليك مبسوط اوى بعد ماتشوفة فليم طول ماانتة بتتفرج علية وانتة مبتسم

فليم يخليك تؤمن تانى بالنهايات السعيدة
النهاية السعيدة والحب الابدى والحبيب والحبيبة يفضلوا مع بعض ومش يفترقوا
ويخلفوا صبيان وبنات

صحيح الدنيا من جرحها فينا نستنا انو فى نهاية سعيدة
خلتنا نقول انها فى الافلام وبس حتى فى احلامنا مش بقى فى نهاية سعيدة

هوة من الاخر فلم بسطنى اوى خلانى اعيش يومين مبسوطة بجد بعدين رجعت مبوزة تانى يعنى رعت للعادى بتاعى هههههه

يعنى من الاخر خدوا اجازة من مشاكل الدني واتفرجوا علية هتنبسطوا بجد

الفليم اسمة enchanted

من حبى لللاغنية اللى فى الفليم دة ترجمتها شوفوها
كلمتها رقيقة اوى
بجد بعشق الاغنية دى رومانسية اوى اوى


كيف لها ان تعرف انك تحبها؟
كيف لها ان تعرف انها مللكك؟


كيف تظهر لها انك تحبها؟

كيف تعرف انك حقا ،تحبها بصدق؟
كيف تعرف انك تحبها؟

لايكفى ان تخبر من تحبها بمدى حبك لها
عليك ان تذكرها والا ستضطر ان تقول فى بالها كيف لى ان اعرف انه يحبنى
كيف لى ان اعرف انه ملكى

حسنا ..هل يترك للك رسالة صغيرة يخبرك فيها انك دائما فى خاطره
هل يرسل اليك ورودا صفراء عندما تكون السماء غائمة

سيجد طريقة جديدة حتى يظهر للك عن حبه قليلا كل يوم
هكذا تعرفين انة يحبك

عليك ان تظهر لهل انك تحتاجها
ولا تعاملها كاانها قارئة افكار
كل يوم افعل شيئا يجعلها تصدق انك تحبها

الجميع يريد عيش حياة ذات سعادة ابدية
الجميع يريد ان يعرف ان حبه الحقيقى ..حقيقى بالفعل

كيف للك ان تعرفين انه يحبك
كيف لك ان تعرفين انه مللكك
كيف لها ان تعرف انك تحبها ،حقا بصدق؟

حسنا..هل اخذك خارجا للرقص حتى يستطيع وحسب ان يضمك اكثر؟
هل كتب للك اغنية تحمل معان خاصة تعنى لك الكثير؟
سيجد طريقتة الخاصة حتى يخبرك من خلال الاشياء الصغيرة التى سيفعلها
هكذا تعرفين انة يحبك

لانة سيرتدى لونك المفضل فقط حتى يكون ملائما للون عينك
يخطط للك نزهة خاصة مضاءة بشعلة نار

قلبه سيكون مللك الى الابد
كل يوم سيظهر لك شيئا
هكذا تعرفين انا يحبك
هكذا نعرفين اناه حبك
هكذا تعرف انك تحبها

شفتوا الكلمات عاملة ازاى يالهوى يالهوى


عندى سؤال ليكم انتوا بتؤمنوا بالنهايات السعيدة؟؟؟

ياله من ساحر

تقفين امامه لاتعرفين مالذى جذبك اليه
اهو سحر عينيه
ام السحر الذى يخرج من فمه متمثلا ببضع كلمات ليس لها مثيل
نعم فهو يخرج من ذاك الفاه كلمات ساحرة تجعللك فى عالم اخر

يعجبك ...نعم تقولينها بينك وبين نفسك
لاتعرفين ان كان التلفظ بهذةالكلمات عادة من عاداته............ام يقولها ليخطط لشئ.....ام يقولها هكذا هباء

هباء!!! لااعتقد ان احدا فى هذة الايام يقول شيئا هباء
لابد وان وراء كلامة الساحر شيئا يريده

لايهمنى ماذا يريد من وراء كلامه .... دعنا من هذا الامر، يريد ماييريد
فهو امر لايشغل تفكيرى الان...

لنعود مرة اخرى الى سحره
نعم..تقفين امامه وانت مسحورة ....نعم مسحورة
يعجبك وتتمنى ان يكون حبيبك فى يوم من الايام او اذا لم يكن حبيبك تتمنى ان يمتللك حبيبك هذا السحر الذى ياثرك
ياله من ساحر

تقفين امامه وتضيع منك الكلمات او ربما اقصد ان لااتلفظ باى كلمة حتى اسمعة ...حتى اطيل جرعات سحرة لى
نعم ...ياله من ساحر

تقفين امامه وانت تعرفين انه ساحر .....
وانت تعرفين انك مسحورة به ...ولا يهمك شيئا
تتركين نفسك فى هذا الشعور الرائع .....ياله من شعور رائع
وياله من ساحر

حالة

حالة من اللا شئ

هلاوس

واخيرا خلصت الامتحنات واخيرا
ورجعت لللاجازة والفضى تانى يااااااااااااه يامحلى الصحيان من غير منبه تصحى برحتك كدة رايق من غير يلا بسرعة هنتاخر على المحاضرة يلا بسرعة الحق اخلاص شبتر ولا شبترين
اووووووووووووووف يلا خلصت السنة دى على خير
بس الايام بتجرى بسرعة اوى اوى بتجرى بسرعة رهيبة
يارتها تبطئ على قد ماتقدر
بجد حاسة انى هصحى بعد يومين الاقى نفسى بقى عندى اربعين سنة كدة مرة واحدة من غير احم ولا دستور
يلا ربنا يبارك فى ايامى وايامكم عشان نحس بطعمها ونحس بثوانيها وديقيقها مش تجرى مننا كدة من غير مانحس بيها

السنة دى كان لابئس بها زى مابيقولوا بس كان فيها حاجة رخمة اوى
حاجة كانت المفروض تبقى حلوة بس بقت رخمة وغلسة بطريقة بشعة
هقولولكم على الحاجة دى بما انى انا فى سنة تالتة هندسة فاحنا عندنا فى سنة تانلة مشروع تخرج يعنى مشروع كدة بيدربنا على مشروع سنة خامسة
يعنى المفروض يبقى عمل جماعى مع تسع طلاب بينهم الود والمحبة والاخلاص
ونتعاون مع بعض فى هذا العمل الجماعى مع بعضينا ونتشارك فية ............اية الهبل دة دة المفروض اللى كان يحصل
بس كالعادة بقى عمل رخم يسودة البغضاء والانانية وكل حاجة وحشة
واللهمابظلم حد بس طبيعى يحصل كدة
عارفين لية لاننا طول عمرنا ماتعلمنا نعمل حاجة مع بعض من ابتدائى واعدادى وثانوى كل حاجة نعملها لوحدنا ولازم نعملها احسن من غيرنا عشان نبقى الاحسن
اتعودنا من نظام تعلمينا الفاشل نبقى انانين نعمل كل حاجة لوحدنا طول السنوات اللى فاتت مش بنعمل حاجة جماعى خالص طول الوقت بناخد فى دروس وذاكر لوحودك عشان تيجيب مجموع كبير وخلاص

واهوة النتيجة فى اول عمل المفروض انة يبقى جماعة مش عارفين نتعامل مع الوضع كل اللى احنا عارفين نعملة انو بنتخانق
بنتخانق على اى حاجة
المفروض فى اى عمل جماعى يتقسم العمل وكل واحد يعمل حاجى تلاقوا ان الناس مش بتشتغل واحد ولا اتنين بيشتغلو والباقى فى الطراوة
لو اشتغلوا يطلعوا عينك عما يعملوا الحاجة
ويااااااااااااااااه باه لو عملوا حاجة يحسسوك انهم عملوا العمايل يعنى كئن دة مش مشروعهم مشروع ابن الجيران مثلا

ماعلينا الحمد الله خلصنا المشروع المنيل بنيله دة بدون خسائر فى الارواح والحمد الله
بجد الواحد وهوة كان شغال لازم يكون بااااااااااااااار لابعد الحود ويطنش عشان تمشى المركب زى مابيقولوا

يلا خلو الواحد يستمتع بااولى ايام الاجازة دى
الى المالانهاية

اوقاتى بتحلو معاك

يااااااااه من زمان اوى اوى مش مسكت الكيبورد
وعقدت اكتب وحشتنى الكاتبة فى مدونى الكتكوتةدى

مش عارفة الوقت جرى ازاى يعنى الايام اللى فاتت فضلت انى اعد متفرجة عللى بيحصل حوالية قاعدة حاطة النضارة مستخبية وراها بس شعور حلو انك تعد تتفرج كدة مش تعمل حاجة بس بتزهق فى الاخر اصل الفرجة

دى كانت بالنسبة لية استرحة استراحة من كل كل حاجة ما عدا المذكرة طبعا
يعنى استرحة شوية من التفكير الحاجة اللى ارهقتنى الفترة اللى فاتت

قلت سيبك يابت ريحى شوية شيلى الفيشة وريحى دماغك شوية وفعلا عملت كدة

مش اقوللكم باه ياااااااااااااه على الراحة اللى كنت فيها تصورا انك بتعملوا اى حاجة من غير ماتفكروا فيها اية اللى هيحصل واللى اللى مش هيحصل يعنى خلى كل حاجة على الله

بجد منتهى الراحة
يعنى من الاخر كنت مبسوطة>>>>>>>>>االحمد الله حمد ا كثيرا

وبما انى كنت مبسوطة من جوايا مع ان فى بلاوى كتير بس مش مهم ..كله على الله

كان فى حاجة صغيرة بتبسطنى بردة هية انو كل مرة كنت افتح فيها الرديوا الساعة اتنين بليل اسمع اغنية اوقاتى بتحلو بتحلو معاك بتاعة سيد مكاوى ياااااااااااااااه على حلاوة الاغنية دى ياااااااااااااااااااه على جمالها بجد وسيد مكاوى بيغنيها بطعم وبلون تانى خالص بحس وهوة بيغنيها انو نبرة صوتة فرحانة
صحيح وردة غنتها بس مش بنفس حلاوة سيد مكاوى
بجد اغنية حلوة اوى وبتبسطنى اوى اوى لما بسمعها بتبسكنى بجد بتديك مزاج كدة وتخليك تعد تنتندنها يااااااااااااااااه

اوقاتي بتحلو بتحلو معاك وحياتي تكمل برضاك وبحس بروحي بوجودي من أول ما بكون وياك وياروحي ساعة ملاقاك

شايفين الحلاوة انا هعد اغنيها انا الاغنية دى معلقة معايا بقالى شهر


مش بس أوقاتي بتحلو دي العيشة والناس والجو والدنيا بتضحكلي معاك
أه من كتر حلاوة الأيام والعين سعيدة بلاياليك مش بحسب اللي فات من قدام ولا بقدر أفكر غير فيك

اللله
ده اليوم وياك يساوي زمان وأكتر من زمان بميئة بكرة
والليل بلاقاك أفراح وأمان حتى ولو كان من غير قمر أنا بيك على طول دائما مشغول
بحلم وبجول وبغني وبقول
أوقاتي بتحلو بتحلو معاك وحياتي تكمل برضاك وياروحي ساعة ملاقاك مش بس أوقاتي بتحلو دي العيشة والناس والجو والدنيا بتضحكلي معاك


شايفين الروقان هههههههههههه

بس كنت عوزة اقول حاجة للى محلى ايامى
انا اوقاتى معاك بتحلو بجد(;
ربنا يخليك ليا

اهااااااااااااااا

اهااااااااااااااااااااااااااااا

انا مبسوطة...........مبسوطة وسعيدة كمان

صحيح حاله نادرة عشان كدة لازم تتسجل احساس بالراحة النفسية

يااااااااااااااه تعروفوا شعور حلو اوى لما الواحد يعرف راسة من رجلية

لما الواحد يبقى صريح مع نفسة اولا بعدين مع اللى حواليه

مفيش احلى من الصراحة زى مابيقولوا بس انا اخدت وقت طويل اوى اوى عقبال مااخدت الخطوة
كنت خايفة اوى

من زمان اوى اوى يعنى من قرون مضت مش استريحت كدة

احلى حاجة انى تانى يوم صحيت والدنيا بتمطر حسيت كدة انو ربنا ربنا راضى علية اصللى بحب المطر اوى

خير من عند ربنا صحيح المطر بيعمل طينة وحاجات غريبة والناس بتعد فى البيت مش بتخرج خايفة من انها تتوسخ من الطينة والروبة اللى بتعملها المطرة


بس بجد مبسوطة ومستريحة اااااااااااااااااااه
مبسوطة من نفسى

الحمد الله...الحمد الله على كل شى

مش سياسية خالص ..دة كلام

انا مش سياسية ابدا ولا حتى بفهم فى السياسة

ولا منضمة لاى حزب ولا انتمى لاى طائفة

يعنى عادى شابة زى غيرى من الشباب اللى مش بستهويهم امور السياسة

يعنى بكتفى بالاخبار اللى بشوفها فى التلفزيون وبرامج الحوار على كام خبر فى الجرايد

او لما بسمع بابا وهوة بيتكلم مع صحابة او لما بابا يهزئنى شوية ويقوللى معلومة او يشرحللى حاجة ويقوللى عيب والله المفروض بدل ماتتفرجى على الافلام والاغانى الهابطة بتاعتك دى تقرئى شوية ولا تتفرجيللك على برنامج يفيدك

بس من شهرين لما شوفت كذا جروب على الفيس بوك بينبه انو لازم نعمل بطاقة انتخابية قبل شهر يناير
لانو من حقنا انو يبقى لينا صوت وانو صوتنا مهم ....الخ الخ

اتحمست وقلت فى البيت يابابا لازم اروح واعمل بطاقة انتخابية وخليت البيت كله يبقى عنده بطاقة انتخابية وقالولنا ابقى تعالوا خدوها فى شهر تلاتة ولا شهر اربعة

طب ياسيدى عملت بطاقة انتخابية وفرحت بيها وجه موضوع انو محمد البرادعى هينزل على مصر وانو هيرشح نفسة لللانتخبات

واتحمست بردة قلت اهو اى حد جديد غير عائلة مبارك وقبل مصر ماتتحول للمملكة العربية المصرية

وطبعا لما عرفت انو البرادعى ممكن يترشح قولت والله فى امل فى امل انو نتقدم بدل ماحنا بنرجع لورا ومش بنوقف

وكنت منتظره انى اتفرج على لقائة مع منى الشاذى كنت منتظره انى اشوفة اوى ...اللقاء جه امبارح واعتقد انو كلنا شوفناه

ومع انى كنت نايمة امبارح بس صحيت مخصوص عشان اتفرج علية عشان اعرف الراجل دة بيفكر ازاى لانى ولا مره عمل لقاء على الهوا مباشرة يتكلم بيه على ترشيحة للرئاسة

كنت عوزة اعرف هيقول اية

بصراحة عجبنى ...مع انى كان بيتكلم بمنتهى الهدوء مش عارفة الهدوء قبل العاصفة ولا اية

عجبنتنى اوى كلمتة قوتى من فكرتى

عجبنى انو عاوز يغير الدستور وطريقة الترشيح وان دة مبدءة عشان يترشح للرئاسة لانو مش ينفع يترشح الا لما يتغير الدستور

لما الناس اتصلت وقالتله اعمل حزب ورشح نفسك مش عارفة هما مااخدوش بالهم ولا اية هوة بيقول انو لو عمل حزب بالطريقة الغبية اللى ماشية بيها مصر يبقى هوة مش عمل حاجة

احنا مش عوزين البرادعى بس هوة اللى يقدر يرشح نفسة عاوزين ناس تانية ترشح نفسها

بس المشكلة اية دلوقتى هنفضل نتكلم ونقول عاوزين نغير القانون عشان يقدر البرادعى او حد يرشح نفسة من غير حزب

اية المطلوب مننا دلوقتى نقوم بثورة نعمل اضراب طب حتى لو عملنا كدة ياترى هنقدر نغيرة

بجد احنا لو عزين نتغير لازم نعمل حاجة لازم نحتج نوقف وقفة مع بعضة ايوة الشعب كلة الشعب الكطحون اللى بيدور على لقمة العيش


الشعب اللى خايف من بكرة فية لازم يتحرك

انا لما اتفرجت على حلقة احمد زويل فى العاشرة مساء على قد ماكان اللقلء حلو واسمتعت بية على قد مااتحسرت وزعلت اوى اوى
الراجل عاوز يساعدنا بس احنا مش عوزين يالهوى يالهوى احفظنا يارب

احنا عندنا ناس كويسة اوى علماء ناس تقدر تخلينا نتقدم بسالمشكلة ماعندناش حد يقودنا صح ماعندناش حكومة اه والله معندناش حكومة

انا عندى عشرين سنة دلوقتى يعنى فى عز شبابى انا مش مستعدة العشرين سنة اللى جاين اعيش من غير مايحصل اى تغير فى مصر غير ان يكون الرئيس اتغير من حسنى مبارك لجمال مبارك

ممكن حد يقوللى دلوقتى اية المطلوب مننا هنعمل اية يعنى عندنا الناس الكويسة اللى ممكن تتقدم بينا وهما بيتكلموا ومعانا ومستعدين

بس احنا هند نتكلم كتير كدة

كلام كلام....كلام كلام طب وبعدين
يابلد الكلام!!
شفتوا انا مش بحب السياسة لية عشان بتجيب احباط بتجيب الشلل

انا عندى احساس بالحماس مع الامل معاه احساس بالفشل والبرود مشاعر متلخبطة مع بعض
_________________

ماعلينا ............

اخيرا عرضوا برنامج عصير الكتب واللى هيقدمة الكاتب اللذيذ بلال فضل
البرنامج كانت اول حلقة لية امبارح كانت حلقة ظريفة ابقوا اتفرجوا علية
البرنامج بيجى كل يوم احد الساعة 7
على قناهة دريم2
والاعادة يوم الاثنين الساعة 4
_________________


هوة صحيح اليومين دول نلبس صيفى ولا شتوى بجد حاجة تحير ؟؟؟؟؟؟

همهماتى

اسمع واقرء كثيرا هذه الكلمات

هذة العبارات...هذة الخواطر ..

خواطر وكتب وروايات تتكلم وتناقش وتشكى عن شى واحد

هذة الكلمات والهمهمات والهمسات عن الحب....هذا الشعور الذى لايوصف

هذا الاحساس الذى خلق ليعذب الكثيرين ويسعد القليل نعم يعذب الكثرين ويسعد القليل قرات هذة العبارة لااذكر اين ولكنى عندما قراتها تعجبت وقلت ايضا فى الحب ليس هناك عدل....اليس كافيا ان تكون الحياه نفسها غير عادلة

اليس كافيا ان السعادة ...والنهايات السعيدة والاسطورية والخيالية ليست متاحة للجميع

اعرف ان هذة حال الدنيا...وليس هناك اى اعتراض على قضاء الله وقدره

لكنى لا اعرف لماذا اصبحت فى هذا التشاؤم ...لماذا اصبحت لااؤمن بالنهايات السعيدة...واذا كانت هناك نهايات سعيدة فهى ليست لى بالتاكيد

ام اننى اصبحت احب ان اعيش دور الجريحة..الحزينة..المهزومة

نعم فهى اصبحت ادوارى..اصبحت لعبتى ..اصبحت احترف ادوار الحزن...

ليست هذة مشكلتى الان اانى اتقمص دور الحزينة المجروحة الان من دون اى سبب

ولكن المشكلة ان ابتسامتى قد اختفت....

_______________________

اول امبارح كان عيد الحب هابى فلانتين ياحلوين

ان شاله يكون كان يوم حلو عليكوا

المهم انو اليوم عدى بالنسبة لية كما توقعت تماما

زى ماتوقعت تماما بدون اى مفاجات او تغير كانة يوم عادى مش فرق اى حاجة...غير ان لونة احمر بس

ياااااااااااه الحمد الله انو انا مااعتدتش اتخيل واحط امنيات عشان مش احبط ويطلع كلة فى الكازوزا

ماعلينا

هوة لية مثلا مثلا يعنى مش لما جيت افتح باب الشقة الاقى بوكية ورد احمر كبير معاه دبدوب

او مثلا افتح شباكى الصبح لما اصحى الاقى فى باليين حمرا كتير بطير فى السما والاقى بالونة معاها وردة حمراها مهاها كرت مكتوب علية بحبك
لية يعنى اشمعنى دة بيحصل فى الافلام بس؟؟
يعنى انا مش طماعة انا طلبت وردة واحدة بس ههههههههه حتى الوردة الواحدة بس مش جتللى ههههههههههههههههه والله حاجة تضحك مش كدة؟؟

وردة حمراء

انا عوزة وردة حمرا!!!!

ماكنتش مستوعبة

اول مرة احسبها بعقلى واكتشف انو الحكاية ماتنفعش خالص

انو فى حاجة غلط

امال زمان كنت بتمنها على اية

طب ازاى ماكنتش واخدة بالى

صعب اوى تكتشف فى النهاية انو كل اللى كنت بتحلم بية اللى كان حلمللك ونفسك فية اللى كنت ديما بتدعى ربنا انو يتحقق

اللى كنت فى كل صلاة وانتة ساجد بين ايدين ربك وبتدعيها انها تتحق ماتنفعش

امال كان فين عقلى قبل كدة

احساس وحش اوى انك تكتشف انك ماكنتتش بتفكر قبل كدة

احساس وحش اوى انك تكتشف انك كنت لاغى تفكيرك وماشى بقلببك

فى حاجات كتير اوى ماينفعش نمشيها بقلبنا بااحسسنا لازم نحكم بيها بعلقنا

احساسى باالصدمة من نفسى

احساسى انو جة الوقت اللى لازم احكم بعلقى بس اللاسف فات الاوان...هوة مش فات ..مش عارفة هقدر اصححة ولا لا

ماينففعش ارجع قلبى احكم... وعقلى ينفذ من غير مايراجع

وجيت دلوقتى بقول لا.. لازم اقف ....اقف ياترى هقدر اقف

لازم اقف ....لانى لو كملت ومشيت هقف قدام سد ...الف حاجز وحاجز

هقدر اعديهم....يااااااااه كان غيرى اشطر ....حتى لو قدرت اية اللى يجبرنى انط واحارب واتعب اية اللى يجبرنى اكمل

انا مصدومة من نفسى فى حد فى الدنيا ينصدم فى نفسة

ازاى محسبتهاش قبل كدة

انا كنت عارفة بس مكنتش مستوعبة ... فى فرق كبير اوى اوى بين انو تكون عارف وانوا تكون مستوعب

وحدى انا والحيرة والتفكير

عوزة احلم

عارفين عوزة اقوللكم على حاجة انا مابحلمش

لما بنام مش بحلم

مش بحلم خالص

مش بحلم ابدا

مش عارفة دة عيب ولا حاجة حلوة ولا حاجة وحشة

بس انا نفسى احلم بجد نفسى انام واحلم حلم اى حلم حلو وحش مخيف لا مخيف لا اصلى جبانة وبخاف

بجد انا مش عارفة انا مش بحلم لية يعنى نادرا جدا لما بحلم ولما اصحى من النوم بنسى الحلم

هوة دة عيب

تعرفوا سئلت ماما قلتلها هوة انا هموت انا مش بحلم ياماما :((

طبعا انا بحلم احلام يقظة كتير وامنيات واحلام فى بالى بس انا عوزة لما انام ننه هوة احلم

بجد مدايقة

مش تقولوا علية تافهة واية العبط دة بس انا عوزة احلم بجد

اعمل اية ؟؟؟

مساء اللوليتا

مساء اللوليتا

بحب اوى اوى اقول مساء اللوليتا تقريبا انا اللى مخترعاها ههههههههههههه

وحشتونى ووحشتنى مدونتى والكتابة فيها حتى مذكراتى وحشتنى ماكتبتش فيها طول فترة الامتحنات

يالهوى كانو 3 اسابيع يالهوى يالهوى طلعت عنية فيهم

اتعصرت واتشويت واتسلقت واتحمرت يااااااااااااااااااااااه الحمد الله انها عدت

الله يسامحم زنقونا كل مادة طويلة عريضة قدمها يوم واحد بس تتذاكر فية يعنى انا اعمل اية فى اليوم دة اعمل بية اية

كل مادة بكون مختماها قبليها مرتين وبرضة ليلة الامتحان بنام الساعة تلاتة هوة انا كنت بنام اصلا

يلا اهى ايام وعدت تنذكر ماتنعاد زى مابيقولوا بس لللاسف لسة هتنعاد لسة اتبقالى سنتين يخلصوا على خير ان شاء الله

قبل الامتحنات انا كنت فى حالة نفسة مقرفة وكنت مكتئبة بس الحمد الله بقيت احسن دلوقتى لانو تقريبا المشكلة انحلت وسؤء التفاهم خلص

بس اللى مدايقنى دلوقتى انى ماشية فى طريق مقفول يعنى انا عارفة نهاية الطريق اللى انا ماشية فى دلوقتى وبرضة ماشية فية

مش عارفة..... مش عارفة او عارفة وبستهبل

ربنا يستر ربنا يستر

!!!

بجد وحشتنى ...